Қоғам бірлігінің қайнары

Қарағанды қаласында Қазақстан Республикасының Конституциясы күні мерекесіне арналған «Азат елдің ар-намысы – Ата Заң» атты дөңгелек үстел жиыны өтті. Дөңгелек үстел жұмы­сына Қарағанды облысы қоғам­дас­тығы­ның белсен­ді мүше­лері, Мем­лекет басшы­сының серіктес­тері, ардагерлер мен мәслихат депу­тат­тары, жұмысшылар, кәсіп­кер­лер, жас­тар ұйымы, діни конфес­­сиялар, этномәдени орта­лық­тар өкіл­дері, спортшылар, сот және про­ку­ра­тура қызметкерлері, мемлекеттік ор­ган­дардың басшылары қатысты. Шарада сөз сөйлеген облыс әкімі Нұрмұхамбет Әбдібеков биыл­ғы ең басты мереке – Қазақ­стан Рес­пуб­ли­ка­сы Тәуелсіздігінің 25 жылдық ме­­рей­­тойына баса ма­ңыз беріп,  осы уа­қыт аралы­ғын­да еліміздің бар­лық ба­ғыт­тар бойын­ша толайым табыс­тар­ға қол жеткізгенін ерекше атап өтті. «Мемлекет басшысы таңдаған сара жолдың жарқын болашаққа бастайтындығына және сол бағыт бойынша қаланған іргеміздің әрі қарай да нығая беретіндігіне ешқандай күмән жоқ.  Ал табысты болашағымыздың кепілі ретінде Негізгі Заңымыз – Қазақстан Республикасының Конституциясы қала бермек», деді өңір басшысы. Қоғамдық санада мемлекеттің қолданыстағы құқығының қайнар көзі ретінде жоғары заңдық күші бар Конституцияның рөлі мен ма­ңыз­­дылығын нығайту және демо­­кратиялық әрі құқықтық мем­­лекет құруды қамтамасыз ету, сон­дай-ақ Қазақстан Рес­пуб­­­ли­ка­­сы­ның Тұңғыш Прези­денті Н.Ә.Назарбаевтың қазақ мем­ле­­кет­­тілігін қалып­тасты­ру­да­ғы ерек­­ше тарихи орнын көрсету­ді мақ­­сат еткен дөңгелек үстел ша­ра­­сы­ның соңына таман Қара­ған­ды облысының әкімі өңірдің  әлеу­мет­тік-экономикалық дамуына, тату­лық пен келісімді нығайту ісі­не қос­қан үлесі үшін бірқатар аза­мат­тар­­ды алғыс хаттармен марапатт­ады. Қайрат ӘБІЛДИНОВ, «Егемен Қазақстан» ҚАРАҒАНДЫ