Қазақстанның басым бөлігінде қатқақ болып, тұман түседі

Бүгін еліміздің басым бөлігінде жауын-шашынсыз ауа райы күтіледі, тек батыста, солтүстік-батыста атмосфералық фронтальды бөліктердің өтуіне байланысты кей жерлерде жаңбыр жауады, найзағай ойнайды. Солтүстік, шығыс, және орталық өңірде үсік жүріп, тұман болады. Кей жерлерінде жел күшейеді, оңтүстікте шаңды дауыл соғады. Бұл туралы Төтенше жағдай комитетінің баспасөз қызметі хабарлады. Жамбыл, Оңтүстік Қазақстан, Қызылорда облыстарында желдің жылдамдығы 15-23 м/с дейін артып, шаңды дауыл болады. Сонымен қатар, Маңғыстау, Атырау, Батыс Қазақстан, Қостанай облыстарында жел 15-20 м/с дейін күшейеді. Ал Солтүстік Қазақстан, Қарағанды, Шығыс Қазақстан облыстарының кейбір бөлігінде тұман күтіледі. Айта кетейік, Батыс Қазақстан, Атырау, Ақтөбе, Қызылорда, Оңтүстік Қазақстан, Алматы, Қарағанды, Жамбыл, Шығыс Қазақстан, Қостанай облыстарында өте жоғары өрт қаупі сақталады. Талғат РАЙЫМБЕК