Финляндия ЭКСПО-2017-ге қатысу туралы шартқа қол қойды

Астанада Финляндия Республикасының «ЭКСПО-2017» халықаралық мамандандырылған көрмесіне қатысу шартына қол қою рәсімі өтті. Бұл туралы pm.kz хабарлады. Құжатқа «Астана ЭКСПО-2017» Ұлттық компаниясының басқарма төрағасы Ахметжан Есімов және Финляндия Ұлттық секциясының комиссары Севери Кейняла қол қойды. Кездесу кезінде Ахметжан Есімов фин тарапын көрмені ұйымдастыру және ЭКСПО-2017-ні халықаралық тұрғыдан ілгерілету жөніндегі жұмыспен таныстырды. Ұлттық компания басшысы бүгінгі таңда көрмеге қатысатынын 98 ел мен 18 халықаралық ұйым растағандығын айтты. «Жаңартылған энергия көздерін қолдану саласында Финляндия еуропалық елдер арасында көшбасшылардың бірі болып табылады. ЖЭК дамытудағы біздің тәжірибеміз көрмеге қатысушылар мен келушілер үшін қызықты болатындығына сенімдімін», – деді А.Есімов. Өз кезегінде, Финляндияның Ұлттық секциясының комиссары Севери Кейняла елдің осындай ауқымды халықаралық іс-шараларға басқа скандинавиялық елдермен бірлесе қатысқандығын мәлімдеді. «Алайда, біздің достық қатынастарды және көрменің өзекті тақырыбын ескере отырып, Финляндия жеке өзі қатысуға шешім қабылдады», – деді ол. Айдар ӨРІСБАЕВ