Гранттар берілді

Астана әкімі Әсет Исекешев мектеп түлектеріне – жетімдерге, мүгедектерге, балалар үйлерінің тәрбие­ленушілеріне, көп балалы отбасылардан шыққан және ата-анасының қамқорлығынсыз қалған балаларға елордалық ЖОО-ларда оқу ақысын төлеу үшін әлеуметтік көмек көрсету туралы куәліктер табыс етті. – Бұл – мемлекеттің, Елбасы Нұрсұлтан Назарбаевтың шынайы қамқорлығының бір белгісі. Елбасы әрқашан да білімді ұлттың болашағы жар­қын болады дейді. Білімнің ар­қасында біз бәсекеге қабілетті, әлеуетті боламыз. Білім саласын дамыту – мемлекеттің басымдықтарының бірі болып табылады, – деді куәліктер тапсыруға арналған басқосуда Әсет Исекешев. Астана әкімінің білім грант­­­­тары елордалық еңбек нары­ғын­дағы сұраныс­қа ие маман­дықтар бойын­ша бөлінеді. Бұл ретте техникалық, педа­­гогикалық және медициналық маман­дықтарға басымдық берілген. Атап айтар болсақ, 2008 жылдан бас­тап білім гранттарына ие болған 268 түлек диплом алды. 81 студент оқуын жалғастыруда, оның ішінде 34 студент – С. Сейфуллин атындағы ҚазАТУ, 13-і – Қазақ экономика, қаржы және халықаралық сауда университетінде, 8-і – медицина университетінде, 2-уі – Л.Н. Гумилев атындағы ЕҰУ-де, 21-і – Еуразия гуманитарлық институтында, 1-уі – Астана университетінде, 2-уі Технология және бизнес универ­си­тетінде білім алады. Жаңа оқу жылы қарсаңында 41 өтініш қабылданды, оның ішін­­де 21-і республикалық грант бо­йынша, 20 өтініш арна­йы комиссияда қаралды. Нә­ти­же­сінде жал­пы сомасы 7 210 000 тең­ге­ні құ­рай­тын грант­­тар бө­лін­ді. Жал­пы, биыл жер­гілікті бюд­жет ес­е­­бі­­нен 101 студентті оқы­ту­ға (оқуын жал­ғас­тырып жат­қан 81 сту­­дент + биыл­ғы 20 студент) 38,9 млн теңге жұм­сал­ды. Қа­ла әкім­­дігі ЖОО бас­шы­лық­­тары­мен бір­ле­сіп сту­дент­тер­дің үлге­рі­­­мін тұ­­рақ­­­ты бақы­лауға алатын болады. Ұлан САНЖАР АСТАНА