Жаңа iPhone 7 шығады

Бүгін Apple компаниясы Калифорния штатындағы Сан-Франциско қаласында жаңа iPhone 7 смартфонын таныстырады. Жаңа гаджеттің таныстырылымына 300 адам шақырылған екен. Сондай-ақ тауарға қызығушылық танытқан әрбір адам тұсаукесерді интернет желісі арқылы тамашалай алады. Шарада iPhone 7-ден бөлек, көпшілік назарына MacBook Pro 2016 ноутбугі мен Apple Watch 2 «ақылды» сағаты ұсынылады деп күтілуде. Интернет желісінде жарияланған суреттерге қарағанда, жаңа смартфон үш түрлі түсте болады (алтын, сұр және алқызыл) және бағаларына қарай да үшке бөлінеді (бюджеттік, қымбат және эксклюзивті). Айдар ӨРІСБАЕВ