Білімдінің бағы артық

Оңтүстікте тұрғындардың саны көп, жұмыс орны аз сияқты көрінгенімен, білікті маман­дарға тапшылық сезіледі. Әкімдік карта сапыр­ғандай бір-бірін ауыстырып, шала бүлініп жататын. Сондықтан, жастар ара­сындағы бәсекелестікті арттыру, сапалы маман даярлау мақсатында «Алтын қор» кадрлық резерві жасақталған. Жақында қор түлектерінің бірі Арман Мұсаев облыстық құрылыс басқармасының экономика, жоспарлау және талдау бөліміне жетекші маман болып тағайындалды. Жалпы, «Алтын қор» кадр­лар резерві облыста 2005 жылдан бері жұмыс істеп келеді. Бүгінде оған жетпіс жас мүше болса, жыл соңына дейін барлығы жұмыс алатынына кепілдік бар. Өйткені, облыс бойынша 500-ден астам мемлекеттік әкімшілік лауазымдық орындар бос. Яғни, мемлекеттік қыз­метке төрт құбылаң сай келсе, ешқандай кедергі жоқ. Бүгінде білімділер озып тұр. Бақтияр ТАЙЖАН, «Егемен Қазақстан» Оңтүстік Қазақстан облысы