Несиеден несібе

Ауыл шаруашылығына бе­ріліп жатқан несие түрлене түс­ті. Нақтылай айтсақ, Тал­ды­қорғанда Алматы облы­сы­ның әкімдігі мен «Аграр­лық несие корпорациясы» акцио­нер­лік қоғамы арасындағы ынты­мақтастықты нығайта түсіп, несие алушылар санын өсіріп, қаржы көлемін көбейту үшін тараптар өзара келісімге қол қойысты. Өңірдегі қала, аудан әкімдерінің басын қосқан жиынды Алматы облысының әкімі Амандық Баталов ашып, сөз тізгінін аталған акционерлік қоғам төрайымы Гүлназ Атам­құловаға ұстатты. Ол жинал­ғандарды несие беру талаптары мен мүмкіндіктері туралы хабардар етті. Жалпы «ҚазАгро» ұлт­тық басқарушы холдин­гі­нің құра­мына кіретін «Аграр­лық несие кор­порациясы» акцио­нер­лік қоғамы Үкі­мет қау­лысы­мен 2001 жылы құрылған. Мақса­ты аграрлық сала, оның ішінде агроөнеркәсіп ке­шені субъек­тілеріне несие беруде қолже­тім­ділікті қам­тамасыз ету болып табы­лады. Несие беру­шілер мәліме­тіне сүйенсек, Алматы облы­­сындағы аграрлық сала ең­б­ек­­керлері ағымдағы жыл­дың тамыз айына дейін 979 300 млн теңге көлемінде несие алыпты. Нұрбол ӘЛДІБАЕВ, «Егемен Қазақстан» ТАЛДЫҚОРҒАН