Головкин бірінші рет Афиныда неге алтын ала алмағанын айтты

  Геннадий Головкин 2004 жылғы Афины Олимпиадасында өзінің Гайдарбек Гайдарбектен жеңілетіні алдын-ала шешіліп қойғанын мәлім етті. Бұл туралы британдық The Telegraph басылымы хабарлады. «Геннадий Головкиннің сөзіне қарағанда, жекпе-жектен бұрын оған бір ресми адам келіп Қазақстан боксшылары бұл олимпиадада бір ғана алтын медаль алуы тиіс екенін жеткізген, сол себепті Головкин 2004 жылғы ойындардың алтын медалінен айрылған» деп жазады газет. Және Головкиннің бұл сөзді бокс төрешілер қатаң сынға ұшыраған Рио олимпиадасынан бірнеше күннен кейін айтып отырғанын хабарлайды. Головкин Афины финалында өзінің ресейлік Гайдарбековті жеңгеніне сенімді. «Ресейлік жеңді. Шын жеңген жоқ, бірақ жеңді. Бәрі дұрыс. Ол жағдайдан да тәжірибе алдым. Ондай нәрсенің қалай жасалатынын білем» деген ол. 12 жыл бұрын болған оқиғаны әңгімелеген Головкиннің айтуынша, жартылай финалдан кейін оған бір ресми тұлға келіп, Қазақстаннан бір ғана боксшының алтын алатынын, бірақ оның Головкин емес екенін айтқан. «Алайда, ол ойындардан алтын алғанымда бәлкім бокспен қоштасар едім» деген Геннадий Головкин.