Елордада тұрғын үй құрылысына үлестік қатысу мәселелері жөніндегі ведомствоаралық комиссияның отырысы аясында 58 нысан тұрақты бақылауға алынған. Аталған нысандардың құрылысында Қазақстан Республикасының «Тұрғын үй құрылысына үлестік қатысу туралы», «Сәулет, қала құрылысы және құрылыс қызметі туралы» заңдары сақталмаған, сондай-ақ, өндірістік жұмыстар кестеден айтарлықтай кешіктіріліп жатыр екен.
Тиісті заң бұзушылықтар қала тұрғындарының өтініштері бойынша және кезекті жоспар жасаудың нәтижесінде анықталып, сол фактілер бойынша материалдар құқық қорғау органдарына жіберілгені айтылды. Әрбір нысан бойынша құрылысты аяқтау жөніндегі нақты алгоритм әзірленгені де назарға салынды. Нысандар тұрақты бақылауға алынып, мемлекеттік органдар өз құзыреттілігі шегінде белгілеген заң бұзушылық анықталса, ескерту жасаумен қатар, көмек көрсетілмек.
Комиссия отырысында қала әкімдігі нысандарды мемлекет қаржысы есебінен аяқтау мүмкін еместігін алға тартты.
«Егемен-ақпарат»
Соңғы жаңалықтар
«Жастар» Сарайының жарты ғасырлық мерейтойы тойланды
Елорда • Кеше
«Egemen Qazaqstan» газетінің тілшісі «Дарын» сыйлығын иеленді
Мәдениет • Кеше
Алматы • Кеше
Президент Мәжіліс төрағасын қабылдады
Президент • Кеше
