Өрттен сақтану өз қолымызда

Өткен жылғы жылу беру маусымында еліміздің жалпы тұрғын үй секторларында 7616 өрт тіркелген болса, оның 73 пайызы өрт қауіпсіздігі қағидаларын бұзу салдарынан орын алған. Қыстың қыр астына таяй түсуіне орай, алдағы жылу беру маусымының қауіпсіздігіне қатысты жиын өткізген ІІМ Төтенше жағдайлар комитеті төрағасының бірінші орынбасары Сәбит Битаев осындай деректерді жариялады. Оның айтуынша, өрт шығу оқиға­сы­нан жалпы сомасы 1, 29 млрд теңге материалдық шығын келген. Соның сал­дарынан 370 адам әртүрлі дәрежеде дене жарақатын алған. Ал мамандар пікі­р­і­нше, өрт шығуының негізгі себеп­тері отт­ы абайсыз пайдаланудан туын­дай­тын көрі­неді. Сонымен қатар, пештерді орнату мен пай­далану кезінде өрт қауіп­сіз­дігі қағи­да­ларын сақтамау, электр жаб­дықт­арын монтаждау және техникалық пай­да­лану қағидаларын бұзу да келеңсіз оқиға­лардың санын көбейте түседі. Тілсіз жаудың алдын алу мақсатында биылғы жылда ведомство жетекшілері бірқатар жаңашыл бастамаларды қолға алған. Соның бірі – ағымдағы жылдың 15 қыркүйегінен республика бойынша өрт қауіпсіздігі айлығының өткізіліп жатқаны болды. Айлық шара аясында жергілікті жер­лердегі халыққа үйді пеш пен электр жылы­ту құралдары арқылы жылыту мен пай­да­лану кезінде қауіпсіздік қағидаларын сақт­ауға және өрт орын алған жағдайда орын­далуы тиіс амалдарды үйретуге бағыт­­талған. Осы мақсатпен мамандар аула­ларды аралап, жергілікті атқарушы орган­дар арқылы тұрғындармен жиі-жиі жиын­дар өткізуде. Сондай-ақ, әлеуметтік қауіп-қатер топтарындағы адамдармен де жұ­мыс жүр­гізі­луде. Олардың құрамына мү­ге­­де­к­тер, жал­ғыз­басты және қарт адамдар енеді. Айта кетейік, бұл шараға оқу орын­дарын­да оқытушы құрамның қатысуымен мек­теп оқушыларымен әңгімелесулер мен дәріс­тер, интерактивтік сабақтар ұйым­дас­ты­­рылып, арнайы бейнероликтер көр­сетілуде. «Егемен-ақпарат»