Мүмкіндіктер пайдаланылуда

Қазақстанның Триполидегі дип­­миссиясының 2011 жылғы 25 ақ­пан­дағы ақпаратына сәйкес, бү­гінгі күні 11 азаматымыз Ливиядан кетіп үл­гер­ген. Олардың 4-еуі – Маль­та­ға, 1-еуі – Ұлы­бри­та­ния­ға шыға­рыл­ған. 6 отан­дасы­мыз Қазақстан­ға жетіп үл­герген: 2-еуі Ресей бор­тымен Мәскеу арқылы, 4-еуі Украина бортымен Киев арқылы. Мәскеу мен Киевтегі Қа­зақ­стан елшіліктері тара­пынан бұл азаматтарды қарсы алу, СІМ есебінен қонақ үйге орна­ластыру және Ал­матыға ұшақ­қа билет алу жұ­мыстары атқарылған. Қазіргі кезде Ливияда қалған 4 қазақстандық студент (және олармен бірге оқитын 3 Қырғызстан аза­маты) дипмиссия көмегімен Три­­­поли әуе­жайына жеткізіліп, Украи­наның екінші бортымен Киевке ұшуға дайын­далуда. Жерорта теңізіндегі ауа ра­йы­ның тұрақсыздығына байланысты Түр­кия­­ның арнайы кеме борты (соңғы мәлімет бойынша қазақ­стандық 2 азаматша бар) Триполи теңіз портынан шығу мүм­кіндігін күтуде. Сондай-ақ, Сахарадағы №103 бұр­­ғылау стансасындағы «Schlum­­­berger» (Шлюмберже) ком­пания­сы­ның және «Hamada» бұрғылау кен орнындағы «Eriell» компа­ния­сының Қазақстанның үш қызмет­керлерін эвакуациялау мәсе­лесі атал­ған ком­паниялардың бас­шы­лы­ғымен шешілу үстінде. Қазіргі уақытта дипмиссия Ли­вияда қалған азамат­тары­мыз­ды эва­куациялау үшін тиісті жұ­мыстарды атқаруда, деп хабар­лады ҚР СІМ-інің Консулдық қыз­мет департаменті.