Алматыда халықаралық өнер көрмесі өтеді

Қазақстан Республикасы Мемлекеттік орталық музейі және «Бақыт» сәндік-қолданбалы өнер орталығы бірлесе отырып, 2003 жылдан бері дәстүрлі түрде өткізетін сәндік-қолданбалы өнер көрмесіне жыл сайын 150-ден астам қолөнерші қатысады. Орталық Азия халықтарының сәндік-қолданбалы өнер көрме-жәрмеңкесі жылына төрт мәрте өт­кізіледі. Дәстүрлі іс-шараға айналған көрме-жәрмеңкеде сәндік-қолданба­лы өнерді бағалайтын тұтынушы­лар кәдесыйларды, киіз және жібек бұйымдарды, кілемдер мен зергер­лік заттарды, қыш, бейнелеу өнері туындыларын, басқа да сан алуан қолөнер бұйымдарын тек қана тамашалап қоймай, сатып ала алады. «Алма қаласы – Алматы» көрмесіне келушілерге «алма» бейнеленген базарлықтар мен кәдесый өнімдерінің мол топтамасы ұсынылады. Алма әлемдегі білім, үміт, даналық, махаббат, отбасылық бақыт, ана мен бала, ұзақ ғұмыр нышандарынан ең танымал символдардың бірі. Сәндік-қолданбалы өнер шеберлері бұл нышандарды өздерінің туындыларында – картина, зергерлік бұйым, пано, гобелен, киіз және тері бұйымдарында, батик сияқты өнімдерінде бейнелеген. Алма бейнеленген кәдесыйды кез келген жастағы жанға сый етіп тартуға болады. Алма бейнеленген кәдесыйлар молшылық пен сәттілікті нышандайды. Орталық Азия қолөнер көрме-жәр­меңкесіне келушілер үшін қызықты бағдарламалар ұйымдастырылған: хас шеберлердің бұйымдарымен танысу, қыштан бұйымдар жасау бойынша шеберлік-сабағын өткізу, әртүрлі шығармашылық ұжымдардың кон­церттік бағдарламасы, сәндік-қол­данбалы өнер шеберлерінің қаты­суымен лотереялық ұтыс ойындары ойнатылады. Бау-бақ­ша өсірушілер ғажайып алма жәрмеңкесін ұсынады. Музейдің кинозалында Алматы қаласы тарихына арналған музей қорындағы фотоматериалдар көрсетіледі. Көрме-жәрмеңкеге кірудегі билеттің серия нөмірі ұтыс лотерея ойындарының нөмірі болып табылады. Айгүл АХАНБАЙҚЫЗЫ, «Егемен Қазақстан» АЛМАТЫ