Заң жобалары қаралды

Кеше Парламент Мәжілісінің Төрағасы Орал Мұхамед­жа­новтың жетекшілігімен палата бюросының кезекті отырысы өтті. Онда Мәжілістің жалпы отырысына шығарылатын мәселелер сараланды. Палатаның Халықаралық істер, қорғаныс және қауіпсіздік комитеті депутаттардың талқы­сы­на екі заң жобасын ұсынатын болды. Экономикалық реформа және өңірлік даму комитетінің ұсы­нуы­мен кейбір заңдарға тұрғын үй қатынастары мәселелері бой­ынша түзетулер енгізуді қарас­ты­ратын заң жобасы бірінші оқы­лымда талқыға шығарылады деп шешілді. Қаржы және бюджет комитеті электрондық ақша мәсе­ле­леріне қатысты заң жобасын бірінші оқылымда қарауды ұсынды. Заңнама және сот-құқықтық реформа комитеті «Есiрткi, пси­хотроптық заттар, прекурсорлар және олардың заңсыз айналымы мен терiс пайдаланылуына қарсы iс-қимыл шаралары туралы» Заң­ға толықтыру енгізу туралы» заң жобасының дайын екенін мәлім етсе, Аграрлық мәселелер комитеті Жер кодексіне өзгерістер мен толықтырулар енгізуді көздейтін заң жобасын екінші оқылымда тал­қыға шығарғалы отыр. «Егемен-ақпарат».