Боб Дилан Нобель сыйлығын алуға келмеуі мүмкін

Швед академиясы жақында өзі Нобель сыйлығының иегері деп жариялаған музыкант Боб Диланға шығуға әрі-бері әрекеттеніп көріп, ақыры қойды. Бұл туралы ВВС хабарлайды. «Қазір біз дым да істеп жатқан жоқпыз. Оның өкіліне звондап та, электронды поштамен хат жазып та көрдім. Оларыма сыпайы ғана жауап алумен болдым» дейді академияның тұрақты хатшысы Сара Даниус. Нобель сыйлықтарын салтанатты тапсыру рәсімі желтоқсанның 10-ына белгіленген. Оған Боб Диланның келетін-келмейтіні әзірге белгісіз. «Қаламаса, келмеуіне де болады. Бірақ біз кешті бәрібір тамаша етіп өткіземіз. Ал сыйлық Диландікі» деді Даниус. Өзіне сыйлық берілгеніне байланысты Дилан осы күнге дейін ештеңе айтқан жоқ. Академияның шешімі жария болғаннан кейін көп уақыт өтпей ол Лас-Вегаста концерт берді. Бірақ бұл оқиға туралы ләм-мим деген жоқ. 75 жастағы Боб Дилан – әнге жазылған мәтін үшін әдебиет бойынша Нобель сыйлығын иеленген алғашқы адам.