Жалған құжатпен көлік жүргізген

«Жалғанның жарға жыға­тыны» белгілі. Бірақ, мұны біле тұра қулық-сұмдықтың неше атасы көрініс беруде. Жалған ақшаны былай қойғанда, айыппұл түбір­тегін қолдан жасаушылар пай­да болғанын жуырда газеті­мізде жазып едік. Енді, міне, жалған көлік жүргізуші куәлігін жанқалтасына салып жүретіндер арамыздан табылып жатыр. 24 қазанда Көкшетау қала­сының М.Әуезов атын­дағы көшесінде жол-патрульдік батальо­нының қыз­меткерлері «Мерседес Бенц» жеңіл кө­лігін тоқ­татқан. Тексеріс барысында Солтүстік Қазақ­стан облысы Айыртау ауда­ны­ның тұрғыны ұсынған куә­лік кү­дік тудырғандықтан, арнайы орындарға сұрау салынады. Көп ұзамай Ан­то­новка ауылының тұр­ғыны соттың шеші­мімен көлік құ­­ралдарын басқару құқы­ғынан айы­­рылғандығы, ал көрсетілген құжаттың қолдан жасалғандығы анықталған. Айыпталушының айтуынша, жүргізуші куәлігін мұның туысы 100000 теңгеге жасап беріпті. Әйтсе де, «бала-ша­ғаның» қамын мұндай қауіпті жолмен атқарудың түпкі салдарын ескере қой­маған азамат ҚР ҚК 385-ба­бының 3-бөлімімен жауапқа тартылып, сот алдындағы тексерістер жүргізілуде. Бұл бап тәртіп бұзушының 300 ай­лық айып­пұл (600 мың теңге) төлеуін немесе 75 тәулікке қамауға алынуын қарастырады. Бақбергеен АМАЛБЕК, «Егемен Қазақстан»