Жәрмеңке жалғасады

Нарық заңдылығының қа­тал­ды­ғынан ба, дүкендер мен базар­дағы азық-түлік бағасы шарық­тап-ақ тұр. Әрине оны әркімнің қалтасы көтере бермейді. Осыған байланысты өңірде бағаны тұ­рақ­тандыру мақсатында тиімді шаралар жалғасуда. Мәселен, «Нұр Отан» ХДП облыстық филиалы жанындағы бақылау комиссиясы азық-түлік бағасын төмен­дету мен мүмкіндігінше тұрақтанды­руды қолға алды. Халық тұтынатын тауар бағаларын зерттеп, бағаға тұрақты түрде мониторинг жүргі­зіп отыр. Нәтижесі алаңдатарлық екені байқал­ды. Үкімет тапсырма­сында әлеуметтік маңызды тауар­лар­дың 27 түріне шектеу қойыл­ғаны нақтыланған. Шектеулі ба­ғаны бұзып, оны себепсіз қым­бат­татқан сауда орындарының бас­шы­лары мен жеке сатушыларға шара қолданылатын болды. Бұл мәселенің бір қыры ғана. Өңірде ағымдағы жылы ауыл­шаруашылық тауарларының ба­ға­­сын тұ­рақтандыру мақсатында қосымша жүз­ден аса жәрмеңке өткізілді. Оған әке­лінген өнімдер­дің құны сауда орын­дарынан 15-20 пайызға төмен болған­дықтан, тұтынушылар ризашы­лық білдіргені құптарлық. Демек, оны дамы­ту қажеттігі күн тәрті­біне қойы­луда. Талдықорған қаласында 3 наурыз­дан басталған жәр­мең­ке бір ай бойы жалғасатын болды. Қалаға 16 аудан мен 3 қаладағы тауар өндірушілер қа­тысып, шаруа қожалықтары өндірген өнімдерін тұтыну­шы­ларға ұсынды. Таңертенгі 9 шамасында жәрмең­кеге өзгелермен қатар келдік. Сауда енді ғана қы­зыпты. Мұнда Ала­көл, Бал­қаш, Қарасай, Жам­был, Іле, Талғар аудандарының тауар өндірушілері ұсынған жылқы мен сиырдың, қойдың еті самсап тұр. Алакөлдің балығын арқала­ғандар да бар. Қарасайлықтар көкөніс пен бақша дақылдарының түр-түрін, жұмырт­қа, құс етін саудаласа, ілеліктер нан, сүт өнім­дерінің, бал, шұ­бат, тағы басқа азық-түлік түрле­рінің мол қо­рын әкеліпті. Мәселен, тауық етінің килосы – 150, кеспе түрлері де базардағыдан 15-20 теңгеге арзан.  Ылдым-жылдым қи­мыл­даған өзін Бақытгүл Тұматаева деп таныстыр­ған сатушы сиыр етінің килосын 650-700 теңгеден өлшеп, кезектегілерге сату үстінде. Ауылда тұрған соң, төрт түлік мал ұстаймыз. Жыл сайын өз төлі есебінен өскендіктен артығын саудалап, қажеті­мізге жаратамыз. Бүгін үш ірі қараның етін әкелдім. Мереке жақындады ғой, баға төмен. Оған қатарлас Мыңбаев пен Шиен ауылынан келген сатушылар да тауар­­ла­рын саудалау үстінде. Мың­баев­тық Эль­мира қырыққабаттың килосын – 80, қы­зылшаны – 85, сәбізді – 75, картопты – 85, алманы 320 теңгеден саудалаған­дықтан едәуір адам кезекке жиналып­ты. Бағаның қолжетімді екендігіне бәрі де риза. Осы күнгі жәрмеңкеде миллионнан астам теңгенің азық-түлігі тұтынушыға ұсынылғанын  білдік. Оның ішінде 195713 кило ет, 10587 кило көкөніс, 6850 кило жеміс-жидек және  басқа да азық-түлік түрлері саудаға түсті. Осылайша, жетісулықтар бағаны тұрақтан­ды­ру­да байыпты көзқарас танытып, ша­һарлықтар жәрмеңкенің игілігіне бөленді. Күмісжан БАЙЖАН, Алматы облысы.