Сингапур дипломатымен кездесті

Парламент Сенаты Халықаралық қатынастар, қорғаныс және қауіпсіздік комитетінің төрайымы Дариға Назарбаева Сингапур СІМ Ерекше тапсырмалар жөніндегі елшісі Билахари Каусиканмен кездесті, деп хабарлады осы палатаның баспасөз қызметі. Мейманмен кездесуде Д.Назарбаева Сингапур Қазақстанның Оңтүстік-Шығыс Азиядағы саяси әрі сауда-экономикалық маңызды әріптесі екенін атап өтті. «Жо­ғары деңгейде сенімді диалог орнықты, пар­ла­мент­тер, үкіметтер және іскерлер қауымдары деңгей­індегі байланыстар өрістеп келеді», – деді сенатор. «Астана клубы» отырысына қатысу үшін Қа­зақ­станға келген Б.Каусикан Еуразияның негізгі мәсе­лелерін талқылауға арналған халықаралық сарапшы­лар алаңының мазмұндық және ұйымдастыру тұрғы­сындағы жоғары деңгейін атап өтті. «Осындай бастамаларды жалғастыра беру керек», – деді дипломат. Екіжақты қатынастардың дамуына ризашылығын жеткізе отырып, Б.Каусикан Д.Назарбаеваны Сингапурға сапармен келуге шақырды. Сенатор сингапурлық компаниялардың Астанада өтетін ЭКСПО-2017 халықаралық көрмесіне келе­тініне сенім білдірді.