Қарағанды әкімінің орынбасары тағайындалды

Қарағанды қаласы әкімінің жаңа орынбасары тағайындалды. Бұрын бұл қызметті атқарған Арман Жұмекенов өз еркімен жұмыстан кетіп, оның орнына 47-жасар Сәбит Оспанов отырды, деп хабарлайды Tengrinews.kz. Жаңа орынбасарын жиналыста қала әкімі Нұрлан Әубәкіров таныстырды. Сәбит Оспанов Қостанай облысында туған. Ақмола ауылшаруашылық инситутын, Букетов атындағы Қарағанды мемлекеттік университетін, Қарағанды мемлекеттік техникалық университеттерін бітірген. Шенеунік өзінің еңбек жолын Матрасов атындағы кеңшарда жұмысшы болып бастаған.Одан кейін зоотехник, басшы, "Ботақара" АҚ директор орынбасары болған. Ульянов ауылды округы әкімінің орынбасары болған. "Ботақара" ауылды округының әкімі, Абай қаласының әкімі, 2013 жылдан бері "Қарағанды облысының жолаушылар көлігі және автомобиль жолдары басқармасы" ММ басшысы қызметін атқарды.