Астанада тамақтану саласының қызметкерлері ағылшын тілін үйренуде

ЭКСПО-2017 көрмесіне дайындық шеңберінде қоғамдық тамақтану саласында ағылшын тілін білу ерекше маңызға ие. Осыған орай бизнес-қоғамдастықтың өкілдері халықаралық көрмеге өз үлестерін қосуда бастама көтерді, деп хабарлайды Астана қаласы әкімдігінің баспасөз қызметі. «Астана Конвеншн Бюро» ЖШС тренингтік орталықтардың бірімен бірлесіп мейрамханалар мен кофеханалардың қызметкерлерін ағылшын тіліне тегін оқыту курстарын өткізді. Нәтижесінде қызмет көрсету саласының 56 қызметкері курстан өтті. Оқыту қызмет көрсету, қонақтарды қарсы алу, тапсырысты қабылдау, есеп айырысу, даулы мәселелерді шешу және т.б. жағдайларда қолдану үшін базалық грамматикалық және лексикалық конструкциялар бойынша жүргізілді. Жоба әрбір нақты мейрамханадан бір даяшыдан оқытуға бағытталған. Бағдарламаның барысында мейрамханаларда болатын жағдайларға сәйкес ағылшынша сөйлемдердің негізгі құрылымдары талданады, арнайы сөз қоры мен диалогтар пысықталады, дейді ұйымдастырушылар..