Үндістанда екі жыл ішінде селфидің салдарынан 76 адам қаза тапты

2014 жылдан бері кемінде 127 адам селфи жасау кезінде опат болды. Карнеги-Меллон университетінің зертеушілері осындай байламға келіп отыр, деп хабарлады lenta.ru. Ғалымдар селфидің кесірінен әсіресе үндістандықтардың көп ажал құшатынын анықтады. Зерттеу барысында қарастырылған қайғылы жағдайлардың жартысы осы елде болған. Екінші орында 9 адамынан айырылған Пәкістан тұр. Сондай тағы АҚШ-тың 8, Ресейдің 6, Қытайдың 4 тұрғыны селфидің құрбанына айналған. Үндістанда селфидің кесірінен ажал құшқандардың басым бөлігі суға батып кеткендігі айтылады. Әдетте әйелдердің өздерін суретке түсіруге құмар екендігі белгілі жәйт болғанымен ажал құшқандардың 75,5 пайызын ер азаматтар құрап отыр. Бұған қоса өзін суретке түсірем деп көз жұмған 127 адамның 86-сы 24 жасқа дейінгі өрендер. Қазан айында АҚШ-тың Техас штатында жоғары оқу орнының студенті көлік басқарып келе жатып, селфи жасамақ болған кезінде полицейлердің көлігіне соғысып мерт болған.