"Аялаған Астана" байқауына өтінім қабылдау басталды

Елордада «Аялаған Астана - 2017» балалар байқауына өтінімдер қабылдау басталды. Астана қаласы әкімдігінің қолдауымен өтетін байқау «Астана EXPO-2017» халықаралық мамандандырылған көрмесіне арналады, деп хабарлады Астана әкімдігінің баспасөз қызметі. Байқауға республика тарапынан 7 мен 13 жас аралығындағы әнші балалар шақырылады. Өтініштер 2017 жылдың 15-і ақпанына дейін ayalagan.astana2017@mail.ru электронды поштасы бойынша қабылданады. Айта кетейік, алғаш рет «Аялаған Астана» байқауы 2013 жылы Астана қаласының 15-жылдығына аясында өткізілді. Байқаудың басты мақсаты республика бойынша жас дарынды әншілерді тауып, олардың өнерін барша халыққа таныстыру. «Аялаған Астана» байқауының жеңімпазы «Детская Новая волна» халықаралық байқауында Қазақстан намысын қорғайтын болады.