Универсиада қарсаңында Алматыда тауарлар жаппай арзандады

Алматыға үлкен спорт до­да­сының жақындап келе жатқаны анық сезіле бастады. Қала қонақтары мен тұр­ғындарын Универсиада аясында ұтымды ұсыныстар мен ауқымды оқи­ға­лар күтіп тұр­ғаны бай­қалады. Оңтүстік шаһарға Универ­сиада ойындарын тамашалауға келгендер Алматыдағы жаппай сатылымдар мен жеңілдіктер маусымының үстінен түспек. Сонымен, Универсиада қарса­ңында басталатын Almaty Sales Festival аясын­да Алма­тыдағы ірі дүкендердің барлығы тауарларын айтар­лықтай арзандатады. Жеңілдіктер мау­сымы алдағы 20 қаңтардан 10 ақпанға дейін созылмақ. Осы­лайша қаладағы 126 сауда ойын-сауық орталығы мен «street retial» үлгісіндегі дүкендерде азық-түліктік емес тауарлардың барлық түрінің бағасы түседі. Алматылықтарды айтпағанда, ілуде бір болатын Универсиаданы еліміздің әр шалғайынан келген отандастарымыз да тамашалауға, заманауи үлгідегі салынған спорттық ғимараттарды көруге, спорт додаларына жанкүйер болуға қызығушылық танытады деп күтілуде. Және бұған Уни­­версиада жарыстарына қа­тысатын 58 мемлекеттің 2 мың­нан астам спортшысын қосыңыз. Қазірдің өзінде Алматыдағы супермаркеттерде сауда қызып тұр. Қаладағы 120-дан астам сау­да ойын-сауық орталығы мен 120 азық-түлік әмбебап дүкені 19 пайыздан бастап 80 пайызға дейін тауарларын арзандатты. АЛМАТЫ