Шұбаттың шипасы биопрепарат арқылы арта түсті

Қожа Ахмет Ясауи атындағы Халықаралық қазақ-түрік университетінде медицина саласындағы ғылыми-зерттеу жұмыстарын инновациялау мақсатында ғылыми жобалар әзірлеп, өндіріске ендіріп отыратын ғылыми-зерттеу институты ашылған. Олар Білім және ғылым министрлігінің 2015-2017 жылдарға арналған ғылыми жобалар грантын жеңіп алған еді. Қазір осының есебінен «Шұбаттың негізінде дәрілік сығындылармен үйлескен жаңа қышқылды сүт биопрепаратын алудың технологиясын зерттеп, өңдеу» атты ғылыми жұмыс жүзеге асып отыр. Халық медицинаcында ем­дік қа­сиеті бар сүт өнімдері­нің қа­­тарында түйе сүті де бар. Инс­­ти­тут базасында өндірі­ліп жат­қан шұбат өнімдері не­­гізінен пастерленіп алынуда. Бұл сүттің құрамындағы био­ло­гиялық құнды заттар мен дә­ру­­мендерді табиғи қалпында сақ­тап, маңызын жоғалтпауға мүм­кіндік береді. Төрт түліктің ішінде бие сүті­нен басқасының бәрі де пісіру­ді қа­жет етеді. Піспеген сүт өнім­де­рі басқа аурулардың таралуына негіз болады. Түйе ауру бол­са, одан алынатын шұбатты тұ­тыну қауіпті. Осы себепті ға­лымдар инфекция туғызатын мик­роорганизмдердің жойылуын қатаң қадағалауға алған, сонымен қатар жаңа өнімнің сақталу мерзімі де ұзартылған. Түйе сүтінің ақуызында емдік антиоксидантты, иммунды рет­теу­ші қасиеттерге ие иммуноглобулин мен лактоферриннің бар болуы, міне, осындай биопрепарат шығаруға негіз болып отыр. Дәлел ретінде айтар болсақ, уни­верситет клиникасында қант диабетімен тіркелген бір­қатар науқастарға осы жо­ба шеңберінде дайындалып жатқан қышқылды сүт өні­мін биоқоспа түрінде қол­данғанда, науқастардың ағ­за­сындағы қант мөлшері тө­мендеп, емделушілердің имму­н­д­ық жүйелерінің қызметі жо­ғарылағандығы байқалды. Препараттың басқа ағзаларға кері әсері болған жоқ. Аталған көр­сеткіштер тәжірибелік зерт­теу жұмыстарының оң нәти­же­ле­рімен дәлелденді. Бұл түйе сүті­нің тиімділігімен қатар, адам ағ­засын ауруға шалдықтыратын бактерия мен вирустардан, түрлі асқынулардан қорғап, кері әсерін тигізбейтін, қант диабетінің алдын алуға және қант диабетімен ауыратын нау­қас­тарды емдеу мақсатында қол­дануға болатынын дәлелдеп бер­ді. Биопрепарат шұбаттың ем­дік қасиетін арттырып, қант деңгейін төмендету қасиетіне ие. Бүгінгі таңда Түркістанда­ғы ме­дициналық ғылыми-зерт­теу инс­титуты С.Асфендияров атын­дағы Қазақ ұлттық медицина университетімен, Қазақ тағамтану академиясымен, Оң­түстік Қазақстан мемлекеттік фар­мацевтикалық академиясымен бірлесіп ғылыми-зерт­теу жұмыстарын жүргізіп отыр. Жоба зерттеулерінің нә­ти­же­сінде ғылыми семинарлар ұй­ым­­дастырылып, талқыланған мә­­селелер жайындағы мәлі­мет­тер Түркияның, басқа да шет мемлекеттердің ғылыми ба­­сылымдарына ұсынылды. Бүгінде «Шұбат негізінде әзір­лен­ген «Инуллакт-Фито» емдік-про­филактикалық биойогурты» атты өнертабыстық жа­ңа­лық па­тент алу үшін Ұлт­тық зия­т­керлік меншік институтына жі­­берілді. Ғалымдардың ендігі мақ­саты – сатылымға дейінгі шұ­бат­тың негізінде дәрілік сы­ғын­дылармен үйлескен қант ди­а­бетіне қарсы қышқылды сүт био­препаратын алудың тех­нология­сын зерттеп, өң­деп, биоөнім ретінде жаппай шығаруды қолға алу. Ол үшін Түркістанда түйе ша­руа­шы­­лығын кеңінен да­мы­туға барынша мүм­кін­дік беретін зама­науи қон­дыр­ғылармен және аппараттар­мен жабдықталған виварий қажет. Бекжігіт СЕРДӘЛІ ТҮРКІСТАН