Букмекерлер алдағы матчта «Барысты» фаворит деп есептейді

Бүгін Құрлықтық хоккей лигасының тұрақты чемпионатында Астананың «Барысы» Загребтің «Медвешчак» командасымен кездеседі. Букмекерлік кеңселердің мәліметі бойынша, бұл матчта нақты фаворит команда жоқ. Дегенмен, коэффициенттік көрсеткіште аздаған басымдық елордалықтарда. Атап айтар болсақ, «Барыстың» жеңісіне 2.33, ал «Медвешчак» ұжымына 2.46 берген. Сондай-ақ, негізгі уақыт тең есеппен аяқталар болса, коэффициент 4.15 құрайды. Айта кетейік, «Шығыс» конференциясында астаналықтар 47 ойыннан кейін 68 балмен 6-орында келеді. Ал хорватиялықтар – 48 матчтан кейін 62 балмен «Батыста» 10-орында.