Хабарламадағы жалған мәліметтер үшін айыппұл төлейді

Жарнамадағы жалған ақпараттар үшін Атыраудағы екі кәсіпкерге әкімшілік іс қозғалды, деп хабарлайды krisha.kz. Жарнамада кәсіпкерлер “элиталы” деген сөзді қолданғанымен, нысанның өзі бұл талапқа сай келмейтін болып шыққан. ҚР Ұлттық экономика министрлігі Табиғи монополияларды реттеу және бәсекелестікті қорғау комитетінің жергілікті бөлімшесінің ақпаратына сай, “Рамзес” және “Айнұр” компанияларының басшыларына қатысты іс қозғалды. Олардың әрекеті ҚР Кәсіпкерлік кодексінің нормасын бұзған болып есептеліп, соның ішінде 177 баптың 1 бөлімінде айтылғандай, әділетсіз түрде артықшылық беретін барлық әрекеттер әділ емес бәсекелестік болып есептеледі. Сонымен қатар, 177 баптың 2 бөлімі 5 тармағындағы жарнамадағы жалған ақпарат әділетсіз бәсекелестік болып саналады. Осындай заңсыздыққа барған шағын, орта және ірі кәсіпкерлерге 200, 300 және 1500 АЕК көлемінде айыппұл салынады. Ал екінші рет қайталанған жағдайда айыппұл көлемі 300, 400 және 2000 АЕК болып көбейеді. Естеріңізге сала кетейік, өткен жылдан бастап құрылыс компанияларына “эконом”, “комфорт”, “бизнес” және “элит” анықтамаларын бейресми қолдануға тыйым салынған. Жарнамада тек жайлылықтың ресми санаттары ретінде “I”, “II”, “III” және “IV” деп қолдануға болады.