Атқарушы билік органдарының ресми сайттарына көңіл тола ма?

Қазіргі таңда өзін өзі құр­меттейтін, өз жұмы­сы­ның жария­лы да ашық бо­луын, қоғаммен қа­рым-қатынасты жоғары дең­гейде ұстауды қалайтын кез келген мемлекеттік мекеме, қоғамдық ұйым, жекеменшік құрылымдар рес­ми сайттары мен пор­тал­­дарын ашып, онымен ұдайы жұмыс істеп тұру­ды дағдыға айналдырып келеді. Әрине, құптарлық іс. Бірақ осы ашылған сайт­тар мен порталдар өз деңгейінде ме? Бұл сауал­ға біржақты «иә» не­месе «жоқ» деп жауап беру қиын. Яғни, аталған мә­селеге байланысты жағ­дай ала-құла. Бүгінгі қоғамымызда, әсі­ре­се, жергі­лікті атқарушы би­лік органдарының ресми сайттары мен порталдарына көңіл толмайды. Бұл, әрине, жеңіл қарайтын мәселе емес. Елімізде электронды үкімет қалыптастыруға байланысты тиісті шаруа­лар жүйелі түрде әрі қызу қолға алынып жатқанда, сондай-ақ, бұл бағытта түрлі ілкімді жобалар ел игілігіне айналып үлгерген тұста жергілікті әкімдіктердің өз сайттарын жетілдіруге жүрдім-бардым қарап отырғаны түсініксіз әрі қын­жы­лар­лық жайт. Сайттардың қызметін тұ­ты­ну мәсе­ле­сінде әкім­дік­тер­ден гөрі, ұлттық компаниялар мен шағын және орта бизнес өкіл­дері біршама белсенділік көр­сетуде. Әсіресе, салық са­ласындағылар өз сайттарын тиімді қолданатыны аң­ға­рылады. Бұдан бөлек, жекел­е­ген азаматтарымыз да аталған іс­ке сергек қарай бас­тады. Сон­да қалай, жұрттың бәрі жан­таласа сайттарын, блогта­рын ашып, оны ұтымды қол­да­нып жатқанда, жергілікті ат­қарушы билік орындары осы іс­ке қатысты қозғалыссыз отыра бере ме? Жалпы, ел ішінде аудандар әкім­діктеріне қарасты ресми сайттарға қа­тысты сын-ескертпелер аз айтылып жүрген жоқ. Бірқатар жер­гі­лік­ті әкімдіктердің сайт­та­рындағы ақ­па­рат­тардың ескі екені, порталдар ар­қы­лы тұр­ғындармен байланыс орна­ту ісі көңіл көншітпейтіні анық бай­қа­ла­ды. Сонымен қа­тар, қажетті мә­лі­мет­терді сайттан іздеудің де өзіндік қиын­­­дықтары баршылық. Ұсы­ныл­ған мәліметтердің арасынан азаматтарға қажетті басты көр­сеткіштер мен дерек­терді тау­ып алу қиын. Ол үшін өте ұсақ әріп­термен таңбаланған сөй­лемдерге шұ­қшиып, қап­та­ған кестелерге көз талдырып әуре боласың. Сондай-ақ, кейбір сайттар атаулы күн­дері басшылардың халыққа құт­тықтау сөзін жариялайтын жай ғана құрал секілді. Бұдан бөлек, бірқатар өңір­­лердің сайтында ай­мақ­тың тарихы, құрметті аза­мат­тар­дың, басшылардың тізімі бол­ғанымен, халықтың рухани-мә­дени өмі­рі, әлеу­мет­тік-эко­но­микалық көр­сет­кіштер, жер­гілікті кәсіпорындар мен ұйым­дар жөніндегі мәлімет мардымсыз. Сон­да, ау­дан­­дардың өзгеге мақтана көр­се­тер табыстары жоқ па? ­Жалпы, еліміз бойынша қан­ша аудан болса, соның басым бөлігінің ресми сайттары төмен деңгейде деп айтсақ қа­те­леспейміз. Рас, ара­ларында та­­лап­қа сай қызмет көрсетіп отыр­­ғандары бар, алайда, олар­дың өзінде де кемшіліктер өте көп. Дәлірегі, «мына облыстың ау­дандары аталған мәселеде оза шауып тұр, содан үлгі алу ке­рек» деп айта алмаймыз. Са­­лыстырмалы түрде алғанда, өңір­лер­дің салаға байланыс­ты бір-бірінен асып тұрғаны шамалы. Халықтың өзі жасап жат­қан ай­мақ­тағы ахуалмен, он­дағы ат­қарылып жат­қан жұ­мыс­тар­мен таныс болып отыруына, өзін толғандырып жүр­ген сауал­дарына атқарушы би­ліктен жауап алуға құқы бар. Сол үшін мерзімді басылым­дардан бөлек, Интернет ре­сурс­­тарын пайдаланғысы ке­ле­тіндер баршылық. Бірақ олар­ға ресми порталдар мен сайт­тардың талапқа сай болмауы кедергі келтіруде. Біз облыстар мен аудан­дар­дың ресми сайттарын жеке-жеке атап көрсетіп, оларды бір-бірімен салыстырып, бірін мақтап, екіншісін даттау­ды жөн көрмедік. Тек, ат­қа­ру­шы билік орындарының рес­ми сайттарына қатысты аз­ды-көпті өкпе-ренішімізді сө­зі­міз­ге арқау ете отырып, облыс, қала, аудан басшыларына қоз­ғау салсақ дедік. Осы арада айта кетейік, об­лыс әкім­дік­терінің пор­тал­дарын­да біршама іл­ге­­рі­­леу­ші­лік бар. Әсіресе, Алматы, Оң­­түс­тік Қазақстан, Қарағанды жә­не Қызылорда облыстары әкім­діктерінің ақпарат берудегі жыл­дамдығы, жан-жақтылығы ө­з­гелерге қарағанда тәуір. Мемлекет басшысының қол­дауымен жү­зеге асырылып жатқан электрондық үкі­­метті дамыту ісі қызу қол­ға алынып отырған тұста жер­гі­лікті атқарушы орын­дар да өз­де­рінің сайттары мен портал, блогтарының жұмысын жан­дандыруы тиіс деп ойлай­мыз. Өйткені, халық пен би­лік­тің арасындағы «алтын кө­­пірлерге» жүрдім-бардым қарау өзімізге сын. Тағы бір айта кетер жайт, әлгі сайттарды ашып, оның жұ­мысын әрі қарай алып ба­ру­ға бюджеттен қаржы бө­лін­бей тұрмайды, әрине. Егер бюджеттің қаржысымен ашы­­лып отырған сайт жөнді қыз­мет көрсетпесе, есіл ақша желге ұшқанмен бірдей болады емес пе? Осы арада сайттарға бө­лін­ген қаржының өтеуіне сұрау са­лынбай отырған тәрізді. Сөздің реті келгенде айта­йық, аудан әкімдерінің сайттары ғана емес, об­лыстық ресми порталдардың да «болмысына» көңіл тола қоймайды. Он­дағы ақпараттардың жұтаңдығына, ескі ақпараттарды жаңасына ауыстыру ісі тым шабан жүре­ті­ніне талайлар куә. Біздің ойымызша, жергі­лік­ті әкім­дік­тер үшін сайт­тар­дың мән-маңы­зын, оның ха­лықпен тығыз байланыс орна­ту ісін­де өте пайдалы құрал еке­нін сездіріп, ұқ­тыратын се­­минар-кеңестер өткізіп отыр­­ған дұрыс. Міне, осылай­ша олардың жұмысын жан­дан­дыруға болады. Бұдан бөлек, әкімдіктердің әр­қай­сысы өзінің ресми сайттарын халық ара­сына кеңінен на­сихаттап, оның қыз­метін тү­сіндіре жүрудің де маңызы зор. Алай­да, осы шараларды атқару үшін атал­ған желілерде алдымен қажетті ақ­параттардың мол болуы тиіс. Себебі, іші бос, берері жоқ сайттарды ешкім де қарамайды. Қорыта айтқанда, Мем­ле­кет басшысы Нұрсұлтан Назарбаевтың жүргізіп отыр­ған салиқалы саясатын, қо­ға­мымыздағы мә­дени-ру­ха­ни жаңалықтарды, еліміздің әлеу­мет­тік-экономикалық дамуын, жергілікті өндірушілердің жұ­мысын және басқа да игі­лік­терді халыққа түсіндіріп, жет­кі­зуде жергілікті атқарушы би­ліктің құзырындағы ресми сайт­тардың әлеуеті дұрыс пайдаланылмай отыр. Сондықтан, аталған мәселеге орай талап күшейіп, нақты шаралар қолға алынса, құба-құп болар еді. Жолдыбай БАЗАР, «Егемен Қазақстан»