«Қазақ артегі» көбейе түссе

Ұрпақ тәрбиесінде ұстаздың орны бөлек қой. Кейде ата-ана бере алмаған тәлім мен тәрбиені мұғалім үйретіп жатады. Жақсы мұғалімге қарап бой түзеуді әр бала өзіне парыз санайды. Мен мұны өз балаларымның өсу жолы­нан көріп-біліп жүр­мін. Біз­дің бала кезімізде оқу­шы­лар лагерьге жиі барып тұра­тын. Қазақ балаларымен бір­ге өс­тік. Содан да болар, мемле­кет­­тік тілді өзім де, балаларым да жақсы біледі. Талғар қала­сын­­дағы Жамбыл атындағы №6 мек­­теп­тің 10-сыныбында оқитын қызым Ангелина Гайворонская Көк­шетаудың Бурабайындағы «Бал­дәурен» оқу-сауықтыру кеше­нінде жиырма күн болып қайтты. Жақсы достар тапқанын, білімді ұстаздардан сабақ алғанын, мейірімді тәрбиешілерден үлгі үйренгенін үзбей айтып жүр. Әр пән мұғалімі оқушыға қажет­тің бәрін жасапты. Тақы­рып­тар бойынша өткен сабақ­тар­дың тізбесін, алған бағасын, мінездемесін қолына ұстатыпты. Мен соның бәріне қарап отырып еліміздегі бірден-бір кешеннің осындай жұмысына риза болумен қатар, алғысымды айтып хат жібердім. Бурабайдың әсем табиғатының аясында өткен сабақ, үйренген тәрбие баламның мәңгі есінде қалатын секілді. Мен бұрын Көкшетауда «қазақ артегі» жұмыс істейді деген­ді еститінмін. Сөйтсем, ол «Бал­дәурен» оқу-сауықтыру кешені ­екен. Біздің бала кезімізде Қырымдағы Артекке бару әр оқушының арманы санала­тын. Енді міне, тәуелсіз еліміз­де де сондай «артек» жұмыс іс­теп жатыр екен. Осы арада, ай­тар бір ұсыныс-пікірім – «Бал­дәурен» оқу-сауықтыру кешені­нің бөлімшелерін барлық өңір­лерден ашып, соның бәрінде де оқушылар демала жүріп білімін жалғастыратын мектептер ұйымдастырса, нұр үстіне нұр болар еді. Тіпті, сол бөлімшелерде жақсы жағынан көзге түскен оқушыларды «Балдәуренге» жіберіп жатса, оқушылардың мәртебесі көтерілер еді. Оны «қазақ артегі» деп атасы да еш артықтығы жоқ секілді. Бұлай деуіме себеп, еліміздегі барлық оқу­шыларды «Балдәуренге» жіберу мүмкін емес екені белгілі. Оның үстіне, Бурабайға барып қайтуға кез келген оқушының жағдайы да көтере бермейді. Бір сөзбен айтқанда, мектептегі ұстаздар секілді балалар демалып, оқитын кешендегі мұғалімдер мен тәрбиешілерге де ілтипат білдіру керек. Оның үстіне мен «Егемен Қазақстан» газетін үзбей оқитындардың қатарындамын. «Білім», «Тәлім» бөлімдерінде ұстаздар туралы көп жазылып жүр. Мен де бас басылым арқылы ұс­таз­дар қауымына алғысымды біл­діруді міндет санадым. Татьяна ГЛАДКИХ Алматы облысы, Талғар қаласы