Қазақ тілі мен әдебиеті мамандары білім жарыстырды

Елімізде осымен үшінші жыл қатарынан студенттер арасында қа­зақ тілі мен әдебиетінен рес­публи­калық олимпиада өткізіліп келеді. Биылғы білім сайысына 20  жоғары оқу орнының студенттері қатысты. Бұл олимпиада – Ұлыстың ұлы күні қарсаңында С.Демирел атындағы қазақ-түрік университетінде ұйымдастырылды. Еліміз­дің әр өңірінен келген болашақ қа­­зақ тілі мен әдебиетінің маман­дары екі күн бойы білім жа­рыстырды. Олимпиадаға қатысқан 20 жо­ғары оқу орнының  ішінен Л.Н.Гу­милев атындағы Еуразия ұлттық университеті озық шығып, бірінші орынды жеңіп алды. Екінші, үшін­ші орындарды Әл-Фараби атын­дағы Қазақ ұлттық университетінің және Ш.Уәлиханов атындағы Көк­ше­тау мемлекеттік университетінің ко­ман­далары иеленді. Ал Абай атын­­дағы Қазақ ұлттық педа­гоги­калық,  І.Жансүгіров атындағы Жетісу мем­лекеттік, Қазақ мемлекеттік қыз­дар педагогикалық, С.Торай­ғы­ров атындағы Павлодар мемлекеттік университеттерінің коман­да­лары да жеткен жетістіктері үшін түрлі сыйлықтармен марапатталды. Жекелеген студенттер ара­сын­да Әл-Фараби атындағы Қазақ ұлттық университетінің студенті Мейрамбек Таубалдиев мүмкін болған 100 баллдан 68,7 ұпай жинап, үздік шықты. Екінші орынды Л.Н.Гумилев атындағы Еуразия ұлттық университетінің студенттері Жанболат Шәкімов пен Жазира Қалықова, үшінші орынды Абай атындағы Қазақ ұлттық пе­да­гогикалық университетінің студенті Нағима Сейілханова, І.Жан­сүгіров атындағы Жетісу мемлекеттік университетінің студенті Нұржанат Оразханқызы, Ш.Уә­ли­ханов атындағы Көкше­тау мемлекеттік университетінің студенті Әсел Жайсаңбаева иеленді. Айнаш ЕСАЛИ, Алматы.