Арнайы өкілмен кездесті

Орталық сайлау комиссиясы төрағасының орынбасары Владимир Фоос Еуропалық Одақтың Орталық Азия бойынша арнайы өкілі Пьер Морель бастап келген делегация мүшелерімен кездесті. ОСК төрағасының орынбасары делегация мүшелерін Орталық сайлау комиссиясының жұмысымен және сайлау науқанының негізгі кезеңдерімен таныстырды. Сонымен қатар, ол делегация құрамының кезектен тыс президенттік сайлауда кандидаттарды ұсыну және тіркеу тәртібіне, сайлау коми­сия­ларын қалыптастыру мен ОСК-нің олар­мен өзара әрекеттестігіне, саяси пар­тиялар мен республикалық қоғам­дық бірлестіктердің сайлау комис­сия­ларында өкілдік етуіне, бұқаралық ақ­па­рат құралдарының барлық канди­дат­тардың БАҚ-тарға тең қол жеткізуін қам­тамасыз ету бойынша заң талап­та­рын орындауына, шет мемлекеттерде Қазақстан Республикасы азаматтары­ның дауыс беруін ұйымдастыруға, сондай-ақ шағымдар мен өтініштерді беру және оларды қарау үдерістеріне қатысты қойған сұрақтарына жауаптар қайтарды. – Еуропалық Одақ азаматтардың негізгі құқықтарының іске асырылу мәселелеріне үлкен қызығушылық танытады және ұлттық сайлауларды осыларды жүзеге асырудың маңызды тетігі деп қарайды, – дей келіп, Пьер Морель сайлауды ұйымдастырушы­лар­дың электоралдық науқанды табысты өткізуіне тілектестігін білдірді. Әлисұлтан ҚҰЛАНБАЙ.