7. 779 НӘРЕСТЕ

«Бұл – тәуелсіздік таңынан тараған шапағат арқасы», – дейді форумға жиналған екібастұздық дәрігерлер Екібастұздық дәрігерлер бұл форумды «Тәуелсіздік жетістіктері» атты еліміз бойынша өтіп жатқан ел тәуелсіздігінің 20 жылдық мерекелік шаралар аясына арнады. Өндірісті қала қарыштап өсіп келеді. Жыл сайын 140 мыңға жуық халқы бар көмірлі қаланың жас тұрғындары да көбейіп келеді. – Бүгінгі форумға 200-дей дәрігер қатысып, еліміз тәуел­сіздігін алған жылдардан бергі денсаулық сақтау саласының да қаншалықты дәрежеде да­мып, алға басқанын айтып, Ел­басына, мемлекетке дәрігер­лер­ге жасалған қолдау мен қам­қорлыққа алғыстарын білдіруде, – дейді қала әкімінің орын­басары Ғұбайдолла Оспанқұл. Былтыр Ксения мен Валентин Толмачевтардың отбасында екі­бас­тұздықтар атанған үшемдер дүниге келді. Қалалық ауру­хананың бас дәрігері Советхан Смақов, травматолог Серік Таш­таев, гемодиализ бөлімінің дә­рігері Шыңғыс Бихияновтар екібастұздық дәрігерлердің ден­саулық сақтау саласындағы елімізде қабылданған жаңа жүйе, жаңа бағдарламаларға орай атқарып жатқан жұмыс­тарына тоқталды. Ал, бас медбике Тамара Игнатова Гүлнара Нығ­мет­жанова басқаратын әйел­дер босанатын перзентханада 70 миллион теңге қаржыға заманауи медициналық құрал-жаб­дықтар сатып алынғанын, со­ны­мен қатар, өмірге енген эндо­видеохирургия әдісін дәрі­герлердің тез арада меңгеріп кеткенін айтып өтті. Перзент­ха­наның жас маман неона­то­лог-дәрігерлері Литваның ма­ман­дандырылған медициналық орталықтарында болып тағы­лым­дардан өтіп келді. Жаңа құ­рал-жабдықтардың, білікті дә­рі­герлердің арқасында ана мен бала өміріне еш қауіп төнбейді. Бұған қосатын тағы бір жақсы жаңалық соңғы 3 жылдың ішін­де перзентханада 7. 779 нәресте дүниеге келіпті, ал, ана мен бала өлімі екі есеге тө­мен­дегенін көрсетіп отыр. Екі­бас­тұздық кейбір науқастар бұ­рын­ғыдай алыс қалаларға ба­рып емделмейтін болды. Емделу үшін барлық жағдай өз қалаларында жасалған, мыса­лы, нейрохирургтар заманауи емдеу әдістерін меңгеріп 36 рет сәтті операция жасаған көрі­неді. – Бұл біздің елімізде отан­дық денсаулық сақтау сала­сы­ның шынайы түрде дамып келе жатқанының айқын көрінісі, – дейді форум делегаттары-дәрі­герлер. Фарида БЫҚАЙ, Екібастұз.