Дипломаттармен кездесті

Кеше Мемлекеттік хатшы – Сыртқы істер министрі Қанат Саудабаев елімізде тіркелген бірқатар шетелдік елшілерді, атап айтқанда, Украина және Франция елшілері Олег Демин мен Жан-Шарл Бертонды және Еуропалық Комиссия өкілдігінің басшысы Норбер Жустенді қабылдады. Қабылдау барысында шетелдік дипломаттар Чер­но­быль апа­тына 25 жыл толуы қарсаңында үстіміздегі жыл­дың сәуірінде Киев қала­сында жоспарланып отыр­ған қауіпсіздік және яд­ро­лық энергияны иннова­ция­лы пай­далану жөніндегі сам­митке қатысуға шақыр­ған Президент Нұрсұлтан Назарбаевтың атына Украина мен Франция президенттері қол қойған үндеу-хатты Қанат Саудабаевқа ресми түрде табыс етті. Сондай-ақ хатта Ор­та­лық және Шығыс Еуропадағы ядролық қауіп­сіздік жобаларын жүзеге асыру және Чернобыль апа­ты салдарын толығымен жою үшін Еуропалық Комиссия мен «үлкен сегіздік» елдері негіздеген, Қорғаныш жа­мыл­ғысы құ­рылымы қорымен және Ядролық қауіпсіздік қорымен ынты­мақ­тас­тық мү­м­кіндікте­рін қарасты­ру жайы қозғалған. Хатты қабыл алған елі­міздің сыртқы саясат ведом­ствосының басшысы 500-ге тарта ядролық сынақтан зардап шеккен Қазақ­стан халқына 1986 жылғы апаттан кейінгі залалды аймақта қал­ған Белоруссия мен Украина халқының проблемалары жақын әрі тү­сінікті дегенді айтты. Оның үстіне Чернобыль АЭС-індегі апат салдарын жоюға 32 мың қазақстандық жұмылды­рыл­ғандығы да назардан тыс қалмады. «Жақында Жапония­ның Фукусима АЭС-інде орын алған апаттар әлемге ядро­лық энергияны пайдалануды абсолютті қамтама­сыз ету­дің уа­қыт­ша маңызды еместігін тағы бір еске салды және сондықтан да жақында Киевте өтетін саммит дер кезінде қолға алынып отыр әрі маңызды. Осы тұрғыдан келгенде Қазақстан Президенті Н.На­зарбаевтың Семей яд­ролық по­лигонын жабуына 20 жыл то­луына орай кең көлемді шаралар өт­кізуге ниетті. Ядролық қауіп­сіздік және таратпаудың жаһан­дық проблематикасы оны шешуде сондай халықаралық қоғам­дас­тықтың жаһандық қатысуын талап етеді», деді Қанат Бек­мыр­заұлы өз сөзінде. Өзара пікір алмасу бары­сын­да Киевте өтетін саммит аясын­дағы конференцияның кейбір түйткіл­дері және Қа­зақстанның Украина, Франция және Еуро­па­лық Одақ­пен ынтымақтастығын одан әрі нығайту жайлары сөз болды. Асқар ТҰРАПБАЙҰЛЫ.