Байқаушыларды аккредиттеу аяқталды

Қазақстан Республикасының сайлау заңнамасына сәйкес 28 наурызда сағат 24.00-де 3 сәуірге тағайындалған кезектен тыс президенттік сайлауға бақылау жүргізетін шет мемлекеттер мен халықаралық ұйымдардан байқаушыларды аккредиттеу аяқталды. Осыған байланысты 28 наурызда сағат 21.00-де Орталық сайлау комиссиясының отырысы өтіп, онда Сыртқы істер минис­тр­лі­гінің ұсынымы бойынша тағы 9 байқау­шы­ны аккредиттеу туралы қаулы қабыл­данды. Сөйтіп, кезектен тыс президенттік сайлауға аккредиттелген халықаралық бай­қау­шылардың жалпы саны 1059 адамға жетті. Орталық сайлау комиссиясының мүшесі Татьяна Охлопкованың хабардар етуінше, сайлауды ЕҚЫҰ-ДИАҚБ миссиясынан – 357, ТМД миссиясынан – 426, ШЫҰ миссия­сынан – 13, Түркі тілдес мемлекеттердің Парламенттік Ассамблеясынан – 7, Ислам Конференциясы Ұйымынан – 5, ЕҚЫҰ Парламенттік Ассамблеясынан – 80, Еуропа Кеңесі Парламенттік Ассамблеясынан – 8 және әлемнің 25 елінен 163 байқаушы бақы­лайтын болады. Сонымен қатар, бүгінде елі­міздің Сыртқы істер министрлігі жанында шетелдік бұқаралық ақпарат құралдарының 90 өкілі тұрақты және уақытша тіркеліп отыр. Әлисұлтан ҚҰЛАНБАЙ. Астана.