Атырауда полиция көліктеріне жаңа құрылғы орнатылады

Атырау облысы ІІД өкілдері полиция көліктеріне орналастырылатын камералар туралы айтып берді, - деп хабарлайды Tengrinews.kz. Желіде аймақтағы патрульдік көліктерді жаңа құрылғымен жабдықтап жатқаны туралы видео пайда болған еді. Видеокамера көліктің төбесіне орналастырылған және ол 360 градусқа дейін айнала алады. "Бұл көліктің видеотіркеуіштері, оның көмегімен заңбұзушылықтар түсіріп алынады. Қазіргі кезде камералар орнатылып жатыр", - деп мәлімдеді Атырау облысы ІІД баспасөз хатшысы Гүлнәзира Мұхтарова. Полицейлер толығырақ ақпаратты кейінірек беруге уәде берді.