22 қаңтарға арналған ауа райы

Республиканың басым бөлігінде атмосфералық фронттардың өтуіне байланысты кей жерлерде қар жауады, бұрқасын, тұман, көктайғақ болып, жел  күшейеді. Бұл туралы ҚР ІІМ ТЖК баспасөз қызметі хабарлайды. Ақмола, Солтүстік Қазақстан, Павлодар  облыстарының кей жерлерінде желдің жылдамдығы 15-20 м/с-ға дейін күшейеді, кей жерлерде  екпіні 23-28 м/с-ға жетіп, кей жерлерде бұрқасын болады. Алматы облысында желдің жылдамдығы 15-20 м/с-ға дейін, Жалаңашкөл ауданында 23-28 м/с-ға дейін күшейеді, түнде кей жерлерде тұман болады. Жамбыл, Оңтүстік Қазақстан облыстарының  кей жерлерінде тұман болып, желдің жылдамдығы 15-23 м/с-ға дейін күшейеді. Қызылорда, Маңғыстау облыстарының кей жерлерінде тұман, көктайғақ күтіледі. Атырау, Қарағанды облыстарының кей жерлерінде бұрқасын, тұман, көктайғақ болып, желдің жылдамдығы 15-23 м/с-ға дейін күшейеді. Батыс Қазақстан, Ақтөбе облыстарының кей жерлерінде бұрқасын бақыланып,  желдің жылдамдығы 15-20 м/с-ға дейін күшейеді. Қостанай облысының кей жерлерінде бұрқасын, тұман бақыланып, желдің жылдамдығы 15-20 м/с-ға дейін күшейеді, екпіні 25 м/с күшейеді. Шығыс Қазақстан облысының  кей жерлерінде бұрқасын болып, желдің жылдамдығы 15-20 м/с-ға дейін, екпіні  25м/с-ға дейін  күшейеді.