Кабананга Африка кубогының үздік сұрмергендер тізімінде көш бастап тұр

«Астана» футбол клубы мен мен Конго Демократиялық Республикасының шабуылшысы Жуниор Кабананга Габон елінде өтіп жатқан Африка ұлттар кубогының үздік сұрмергендер тізімінде көш бастап тұр. Кабананганың топтық кезеңнің үш ойынында үш гол салып үлгерді. Осы көрсеткішпен ол Еуропаның үздік ұжымдарында ойнайтын Рияд Марез, Ислам Слимани (екеуі де Алжир), Садио Мане (Сенегал), Пьер-Эмерик Обамеянг (Габон) және Наим Слити сынды футболшылардың алдына шығып, турнирдің үздік сұрмергені атанып тұр. Конго ДР құрамасы топтық кезеңнің қорытындысы бойынша 7 ұпай жинап, бірінші орынмен турнирдің плей-офф кезеңіне шықты. Айта кетейік, «Астана» ойыншысы алғашында құраманың нақты тізіміне ілінбеген, алайда тағы бір ойыншының жарақат алып қалуына байланысты бас бапкер Флоран Ибенже Кабананганы кері қайтару туралы шешім қабылдайды.