Италияда қар көшкінінен қаза тапқандар саны 16-ға жетті

Италияның Гран-Сассо тауында орналасқан Rigopiano қонақ үйінде қаза тапқандар саны 16 адамға жетті. Бұл туралы lenta.ru хабарлады. Сонымен қатар, 13 адамды құтқару жұмыстары жүргізіліп жатыр. The Local басылымының ақпараты бойынша бұл іс осымен алтыншы күн жалғасып жатыр. Айта кетейік, 18 қаңтар күні қар көшкіні үш қабатты қонақ үйді басып қалған. Ғимарат ішінде 40 адам болған. Мамандардың айтуынша, бұған Гран-Сассо-д'Италия аумағындағы жер асты дүмпулері әсер еткен. Сол күннің ертеңінде магнитудасы 5,3-5,5 аралығындағы жер сілкінісі тіркелген. Бүгінге дейін 9 адам құтқарылды, тағы екі адам оқиға орнынан алыстау жерде жүргендіктен аман қалған.