Головкинді жеңу үшін қандай әдіс қолдану керек?

Boxingnews24.com тілшісі Аллан Фокс Головкинге қарсы кездесуде Джейкобс қандай тактика қолдану керектігін айтты. Бұл туралы sports.kz хабарлады. «Головкин жылдам қозғалатын боксшылармен көп жұдырықтасқан. Алайда, олардан мерейі үстем болғанын жақсы білеміз. Дэнни британиялық Мартин Мюррейдің тактикасын қолданбағаны жөн. Өздеріңіз көргендей, GGG британиялықтың жабық әдісін қолданып, жақын қашықтықта жұдырықтасуына жол бермей, артқа жиі шегініп жүрді. Мұндай жол оған еш нәтиже бермейді», – деп қазақстандық боксшының ерекше тұстарын атап өтті. «Джейкобс жылдам әрі ауыр соққылар жасауға қабілетті. Міне, осыған сенім артқаны жөн. Сондай-ақ, Андре Уордтың Сергей Ковалевке қарсы қолданған тактикасына көшсе де ұзаққа барады деп ойламаймын. Дэниэл мұндай жолмен ешқашан бокстаспаған. Бұл жолы да қажет емес. Ал Уордтың ерекшелігі бұған дейін осыны жиі қолданғандықтан ресейліктен басым түсті. Ал Головкин бойы аздап қысқа болғандықтан, жақын қашықтықта жақсы жұдырықтасады. Ал бойшаң спортшыларға алыстан соққы жасаған дұрыс», – деді тілші. «Головкиннің осыған дейінгі жекпе-жектеріне қарап, жақын тұста қаншалықты мықты екенін байқадық. Джейкобс Питтер Куиллинге қарсы қолданғандай дистанция сақтап, ауыр соққыларын жылдам сермегені дұрыс деп ойлаймын. Клинч әдісін де арасында қолданып көруі керек», – деді Аллан Фокс.