Қазақстандық боксшы алдағы жекпе-жегі жайлы айтты

Қазақстандық кәсіпқой боксшы Ернар Ешенов 11 наурызда Гонконг қаласында 26 жастағы танзаниялық Ибрагим Маоколомен (11-5-1, 8КО) жұдырықтасады. Бұл туралы sports.kz хабарлады. «Менің келесі жекпе-жегім 11 наурыз күні Гонконг қаласындағы «Hong Kong Convention and Exhibition» орталығында өтеді. Бұл күні мен өз титулымды (WBO нұсқасы бойынша жастар арасындағы құрлықаралық белбеу) қорғап қалуым тиіс. Қысықов Жанаттың қол астында жаттығып жүрмін. Ал алдағы кездесуіме байланысты «ESKO» кәсіпқой клубында  ҚР спорт шебері Ковальчук Олег Аркадьевич дайындап жатыр», – деді Ернар. Айта кетейік, 21 жастағы былғары қолғап шебері осыған дейін 5 кездесу өткізіп (төртеуі нокаут), бәрінде жеңіске жеткен.