Қазақстан Республикасы Индустрия және жаңа технологиялар министрлігінің бұйрығы №44

2011 жылғы 28 ақпан, Астана қаласы Кең таралған пайдалы қазбаларды барлау және игеру жөніндегі өңіраралық комиссиялар туралы ережені бекіту туралы «Жер қойнауы және жер қойнауын пайдалану туралы» Қазақстан Республикасының 2010 жылғы 24 маусымдағы Заңы 19-бабының 1) тармақшасына сәйкес бұйырамын: 1. Қоса беріліп отырған Кең таралған пай­далы қазбаларды барлау және игеру жөніндегі өңіраралық комиссиялар туралы ереже бекітілсін. 2. Қазақстан Республикасы Индустрия және жаңа технологиялар министрлігінің Геология және жер қойнауын пайдалану комитеті (Б.С. Өжкенов) заңнамада белгіленген тәртіппен осы бұйрықтың Қазақстан Республикасы Әділет министрлігінде мемлекеттік тіркелуін және оның кейін бұқаралық ақпарат құралдарында ресми жариялануын қамтамасыз етсін. 3. Осы бұйрық алғаш ресми жарияланған күннен кейін он күнтізбелік күн өткен соң қолданысқа енгізіледі. Қазақстан Республикасы Премьер-Министрінің орынбасары – Қазақстан Республикасы Индустрия және жаңа технологиялар министрі Ә. ИСЕКЕШЕВ. Қазақстан Республикасы Премьер-Министрінің орынбасары – Индустрия және жаңа технологиялар министрінің 2011 жылғы 28 ақпандағы №44 бұйрығымен бекітілді Кең таралған пайдалы қазбаларды барлау және игеру жөніндегі өңіраралықтар комиссиялар туралы ереже 1. Жалпы ережелер 1. Осы Кең таралған пайдалы қазбаларды барлау және игеру жөніндегі өңіраралық комиссиялар туралы ереже (бұдан әрі – Ереже) Кең таралған пайдалы қазбаларды барлау және игеру жөніндегі өңіраралық комиссияның (бұдан әрі – БИӨК) қызметін ұйымдастыруды, олардың құрамын, материалдарды және құжаттарды жинау мен сақтау тәртібін айқындайды. 2. БИӨК құру мақсаты кең таралған пайдалы қазбалар кен орындарын іздеу, бағалау және игеру жөніндегі жобалау құжаттарын қарау болып табылатын жер қойнауын зерттеу мен пайдалану жөніндегі уәкілетті органның әрбір аумақтық бөлімшесінің алқалы органы болып табылады; БИӨК өз қызметін Қазақстан Республи­касының Конституциясына, Қазақстан Респуб­ликасының Президенті мен Үкіметінің заңда­рына актілеріне, өзге де нормативтік құқықтық актілерге және осы Ережеге сәйкес жүзеге асырады. 3. БИӨК құрамын жер қойнауын зерттеу және пайдалану жөніндегі уәкілетті органның аумақтық бөлімшесінің басшысы бекітеді. БИӨК құрамына мүдделі мемлекеттік органдардың өкілдері және келісім бойынша ғылыми-зерттеу және жобалау ұймдарының өкілдері, сондай-ақ тау-кен өндіру және өңдеу саласының маман­дары кіре алады. 4. БИӨК қызметін ұйымдастыруды, іс жүргізуді, БИӨК материалдары мен құжаттарын жинау мен сақтауды, жер қойнауын зерттеу және пайдалану жөніндегі уәкілетті органның тиісті аумақтық бөлімшесі жүзеге асырады. 2. БИӨК-та материалдарды қарау тәртібі 5. Жер қойнауын пайдаланушы қағаз және электрондық тасығыштарда бес данада жобалық құжаттарды, аңдатпаны БИӨК-ке жібереді. 6. БИӨК-ке жер қойнауын пайдаланушылар кең таралған пайдалы қазбалар кенорындарын барлау мен игеру бойынша жобалау құжаттарын, оларға өзгерістер мен толықтыруларды: 1) кең таралған пайдалы қазбалар бойынша міндетті мемлекеттік экологиялық, өнеркәсіптік қауіпсіздік, санитарлық-эпидемиологиялық са­рап­тамалары бар іздестіру жұмыстарының жобасын, бағалау жұмыстарының жобасын, тәжiрибелiк-өнеркәсiптiк өндіру жобасын; 2) міндетті мемлекеттік экологиялық, өнер­кәсіптік қауіпсіздік санитарлық-эпиде­миоло­гиялық сараптамалары бар, кең таралған пайда­лы қазбалар бойынша және жер қойнауын ұтымды және кешенді пайдалану саласындағы өнеркәсіптік әзірлемелердің жобасын ұсынады. 7. Кең таралған пайдалы қазбалар бойынша іздеу жұмыстарының жобасы, бағалау жұмыс­тарының жобасы, тәжiрибелiк-өнеркәсiптiк өн­діру жобасы, өнеркәсiптiк әзірлемелер жобасы және оларға өзгерістер мен толықтырулардың жобалары БИӨК-ке келiп түскен күннен бастап бір ай (отыз күн) iшiнде қаралады және жер қойнауын зерттеу және пайдалану жөнiндегi уәкілетті органның аумақтық бөлімшесі БИӨК-тен ұсыныстар (ұсынымдар) келіп түскен күннен бастап он бес жұмыс күні ішінде бекiтеді немесе бекiтуден бас тартады. 8. Жер қойнауын пайдаланушыға егер Ере­женің 6-тармағының 1-тармақшасында көрсе­тiлген сарап­та­малардың бiрiнде терiс қоры­тынды болса, іздеу жоба­сына, бағалау жұмыс­тарының жобасына, тәжi­рибелiк-өнеркәсiптiк өндіру жобасына өзгерiстер және (немесе) толықтырулар енгiзуге рұқсат берiлмейді. Егер ұсынылып отырған өзгерiстер және (немесе) толықтырулар кенорындарын игерудiң оң тәжі­рибесіне, жер қойнауын ұтымды әрi кешендi пайдалану жөнiндегi талаптарға сәйкес келмесе және Ереженің 6-тармағының 2-тармақшасында көрсе­тілген сараптамалардың бiрiнде терiс қорытындысы болса, жер қойнауын пайдала­нушыға өнеркәсiптiк әзірлемелер жобасына өзгерiстер және (немесе) толықтырулар енгiзуге рұқсат берiлмейді. 9. БИӨК отырысының хаттамасын ресімдеуді БИӨК хатшысы жүзеге асырады. БИӨК отырысының хаттамасына БИӨК-тің отырысына қатысқан барлық мүшелерi қол қояды. 10. Ерекше пiкiрге БИӨК мүшелерiнiң жазбаша түрде жазылуға және хаттамаға тiркелуге тиiс. 11. БИӨК-ты төраға, ал ол болмаған жағдайда төрағаның орынбасары басқарады. 12. БИӨК ұсыныстары отырысқа қатысып отырған БИӨК мүшелерінің көпшілік дауысы­мен қабылданады. Дауыс беру тең болған жағдайда төр­ағалық етушінің дауысы шешуші болып табылады. 13. БИӨК отырыстары қажеттiлiгiне қарай өткiзiледi және егер оларға БИӨК мүшелерi жал­пы санының кемiнде үштен екiсi қатысса, заңды деп саналады. БИӨК мүшелері өздерінің қызметтеріне ауыстырылу құқығынсыз қатысады. 14. БИӨК ұсынысы (ұсынымы) бойынша қаз­былданған жер қойнауын зерттеу және пайдалану жөнiндегi уәкiлеттi органның аумақтық бөлімшесінің шешiмi меншiк нысанына қарамас­тан, барлық шаруа­шылық жүргiзушi субъек­тiлері, оның iшiнде Қазақстан Республикасының аумағында кең таралған пайдалы қазбаларды барлау және игерудi жобалау және жүзеге асырумен айналысатын шетелдiк субъектiлер үшiн орындалуы мiндеттi болып табылады. Бұйрық Қазақстан Республикасының Әді­лет министрлігінде 2011 жылғы 5 нау­рызда Нормативтік құқықтық кесімдерді мемлекеттік тіркеудің тізіліміне №6800 болып енгізілді.