Бүкілхалықтық қолдау көрінісі

Кеше Астанадағы М.Горький атындағы орыс драма театрында өткен президенттік сайлау қоры­тындысына қолдау көрсету үшін этномәдени бірлестіктердің және Қазақстан халқы Ассамблея­сы­ның өкілдері жиналды. Олар Қа­зақстан Республикасы Президенті Нұрсұлтан Әбішұлы Назар­баев­тың кезектен тыс президенттік сай­лаудағы жеңісімен құт­тық­тау­ларын жариялады. Атал­мыш шара 2011 жылғы 4 нау­рыз­дан бастап еліміздің барлық ай­мақ­та­рын­дағы 100-ден астам мә­дени-бұ­қара­лық шараларға қа­тыс­қан 90 мыңнан астам адам­дар­дың жал­пы­республикалық элек­торалды ак­цияның бір ар­на­ға тоғысқан жаң­ғы­рығы, ша­рық­тау шегі болып табылды. Қазақстан халқы Ассамблея­сының Қазақстан Республика­сы­ның Президенті Н.Ә.Наза­р­­баев­ты ке­зектен тыс сайлаудағы жеңісі­мен құттықтауын Қазақстан хал­қы Ассамблеясы Төрағасының орынбасары, хатшылық меңгеру­шісі Ералы Тоғжанов оқыды. «Біз үшін Тәуелсіздіктен асқан мұрат, бірліктен асқан мақсат жоқ. Біз – өткенін ұмытпайтын елміз! Біз ата-баба мұратын ұлықтайтын елміз! Біз Сіздің сарабдал сая­са­ты­ңыздың арқасын­да халық мұра­тын жаңа белеске шығарып, өз келешегімізді өзіміз кемелдендірген елміз. Халқымыз Отанға деген ыстық сезімін, азаматтық па­ры­зын, жалпыұлт­тық келісімді, берекелі қазақ жеріндегі бейбітшілік пен тыныш өмір үшін жауапкершілікті басшылыққа ала отырып өз таңдауын жасады. Біз Сіздің бас­шылығыңызбен бола­шақтың іргесін бірге қалаймыз. Сіздің же­ңісіңіз – бұл бүкіл Қа­зақ­стан­ның жеңісі, халық абы­ро­йы­ның ас­қақ­тауы, қымбат Отаны­мыз үшін Тәуелсіздіктің 20 жыл­дығына ең қымбат сыйы», деп Ера­лы Тоғ­жанов құттықтауды оқи келе Мем­лекет басшысы – Ұлт Көш­басшысына деген халықтың қол­дауы орасан зор болғандығын арнайы атап өтті. Қазақстан халқы Ассамблея­сы мүшелерінің пікірлері бойын­ша, дауыс берушілердің сайлауға қа­ты­судағы белсенділігі ерекше бол­ды. Әсіресе, жастар өздерінің ел тағдырына бей-жай қарамай­тын­дықтарын, Отан алдындағы жауапкершілік сезімі аса жоғары екендіктерін дәлелдеді. Сонымен қатар, Қазақстан халқы Ассамблеясы Төрағасы­ның орынбасары, «Қазақстан ук­раин­дары Радасы» одағының төр­а­ғасы Юрий Тимошенко мәлім­деме жа­са­ды. Мәлім­деме­де «Өт­кен сайлау Прези­денттің Қазақ­стан хал­қының әл-ауқа­тының ар­туы мен өсіп-өркен­деуіне бағыт­талған әлеу­меттік және эконо­ми­калық сая­сатына бүкілхалықтық қолдаудың ай­шықты және сал­мақты дәлелі болғаны» аталды. Қазақстан хал­­қы­ның бірлігі, елдің тәуел­сіздігі, бостандығы, тұрақтылық пен толеранттылық ұғымда­ры­нан тұ­ратын басты қазақстандық құн­дылықтар мәң­гіге өз жалға­сын таба бермек. Арай ҮЙРЕНІШБЕКҚЫЗЫ.