Қымбатты достар! Қымбатты қазақстандықтар!
Сіздерді президенттік сайлауда Нұрсұлтан Назарбаевтың жеңіске жетуімен шын жүректен құттықтаймын.
Біз сіздердің ұлы Президенттеріңіз Нұрсұлтан Назарбаев қайта сайланатынына шынайы сенген едік. Өйткені, ол әлемдегі аса көрнекті Президент болып табылады. Ол саяси және рухани көшбасшыларды, көптеген мәдениеттерді, нәсілдерді, діндер мен елдерді біріктіруге үлкен күш-жігер жұмсады. Қазіргі кезде әлемде адамзат баласы тіршілігі үшін аса маңызды фактор болып табылатын жаңа рухани келісім құру жолдарын қалыптастырды.
Біз сіздердің елдеріңізде – бейбітшілік пен бірлік, сүйіспеншілік пен ізгілік салтанат құрған елдеріңізде өткен Әлемдік және дәстүрлі діндер көшбасшыларының съезінде басымыздан кешкен ғажайып уақытты үлкен қанағат сезімімен әркез есімізге аламыз. Президенттеріңізге біздердің ең жақсы тілектерімізді жеткізулеріңізді тағы да қайталап сұраймыз.
Рейнхарт РУГЕ,
сенатор (Мексика).
*** Қазақстандағы қымбатты достар! Сіздермен Қазақстан Республикасының Президенті, Жоғары мәртебелі Нұрсұлтан Назарбаевтың қайтадан сайланғаны туралы қуанышымды бөлісуіме рұқсат етіңіздер! Бұл сайлау демократиялық басшылықтың – сіздердің елдеріңіздің азаматтары қуаттап бергеніндей, демократия синтезі мен мәдени иерархияның табыстарын нақты айқындады. Біз сондай-ақ қазақ халқын құттықтай отырып, өздеріңіздің бірліктеріңізді қуаттап берген осы ұлы табыс Президенттеріңіздің күш-жігерінің арқасында ондаған жылдар бойы бейбіт жағдайда Қазақстан Республикасындағы барлық халықтар мен этностардың бірлігі үшін ынталандырушы үдеріс болсын деп тілейміз. Біз сонымен бірге 1992 жылдан бері талқыланған тұжырымдамалар мен идеялардың кейбірі тәжірибеге енгізіліп, сіздердің ұлы елдеріңіздің төңірегінде болып жатқан көптеген жағдайлар мен тәртіпсіздіктерге қарамастан, ондаған жылдар бедерінде Қазақстанда бейбіт, үйлесімді, әлеуметтік құрылымдар мен ынтымақтастықты сақтауға көмектескенін атап өтуге де өте қуаныштымыз. Жер бетінде әркез бейбітшілік салтанат құрсын! Сіздердің халқыңызға бақыт пен игілік тілеймін!Вилли АВГУСТАТ,
«Бейбітшілік арқылы мәдениетке» халықаралық қауымдастығының
президенті.
