Қостанайлық соғыс ардагерлері Кремль наградаларына ие болды

Қостанайда Ресейдің Қазақстандағы  елшісінің кеңесшісі Елена Лысенко  Ұлы Отан соғысының ардагері Василий Коштенконың ұлы мен немересіне  Қызыл Жұлдыз орденін табыс етті. Ол 17 жасқа да толмаған кезінде танкист ұрысқа алғаш қатысты. «Әкемнің танкісі 3 рет отқа ораныпты. Өзі 1945 жылы қатты жараланады да, госпитальде 8 ай жатып қалады. Соғыстан кейін тағы бір жыл  басқа әскери бөлімде қызмет етеді. Оның құжаттары осы кезде  жоғалып кетсе керек. Әкем өзін бірнеше рет наградаға ұсынылғанын айтқан болатын. Ол іштей   орденін күтті де, бірақ осы күнге жете алмады» деді  Василий Егоровичтің ұлы Александр Коштенко. Елші кеңесшісі Москва үшін болған шайқасқа қатысқан ардагерлерге        Ресей президенті Владимир Путин қол қойған  «Москва үшін шайқас. 75 жыл» төсбелгісін табыс етті. Нәзира Жәрімбетова,«Егемен Қазақстан» Сурет kstnews.kz сайтынан алынды