Заң жобалары сараланды

Кеше Парламент Мәжілісінің Төр­ағасы Орал Мұхамеджановтың же­­текшілігімен өткен бюро отыры­сын­да заң жобаларының дайындығы пы­сықталды. Қаржы және бюджет комитеті елі­міз­дің  кейбір  заң­дары­на  бюджет процесінде мемлекеттік және бюджеттік жоспарлау жөніндегі уәкілетті органдар кұ­зыретінің аражігін ажырату мәселелері бойынша түзетулер енгізуді көздейтін заң жобасын бірінші оқылымда қарауға шығаруды ұсынды. Заңнама және сот-құқықтық реформа комитеті еліміздің кейбір заңнамалық актілеріне халыққа қызмет көрсету орта­лықтарының мәселелері бойынша өзге­ріс­тер енгізуді қарастыратын заң жобасы депутаттар талқысына шығаруға дайын екенін мәлімдеді. Палатаның Халықаралық істер, қор­ғаныс және қауіпсіздік комитеті бірнеше халықаралық заң жобасын ұсынды. Заң жобалары Парламент Мәжілісінің жал­пы отырысының күн тәртібіне енгізілетін болды. «Егемен-ақпарат».