Жолдау жаңалықтары жақсылықтарға бастайды

Қазақстан Президенті Нұрсұлтан Назарбаев биылғы 31 қаңтарда өз халқына арналған «Қазақстанның Үшінші жаңғыруы: жаһандық бәсекеге қабілеттілік» атты Жолдауын жариялады. Бұл мән-маңызы жоғары құжаттың Қазақ­станды одан әрі дамыта түсу­дегі рөлі ерекше деп ойлаймын. Қазақстан жаңғырудың бірінші және екінші кезеңдерінен сәтті өтті. Сондай-ақ, Қазақстан әлемдік нарықтағы мұнай бағасының құлды­рауынан туындаған қаржылық қиындықтарға қарамастан, «Нұрлы жол» мемлекеттік бағдарламасы арқасында экономикалық өсімге қол жеткізе білді. Президент Нұрсұлтан Назарбаев алдағы кезеңдерде елді одан әрі дамыта түсу үшін тарих қойнауына енген соңғы 25 жылдағы жетістіктерді ескере отырып, «Қазақ­стан-2050» Стратегиясы не­гі­зін­де Төртінші өнеркәсіптік револ­юция талаптарын еңсеру мақ­сатында Қазақстанның Үшінші жаңғыру міндеттерін күн тәртібіне шығарды. Президент Н.Назарбаев өзінің Жолдауында бес басымдық­ты атап көрсетті. Олар: экономи­ка­ның жеделдетілген техникалық жаң­ғыртылуы, бизнес-ортаны түбегейлі жақсарту және кеңейту, макроэкономикалық тұ­рақ­тылық, адами капи­тал сапасын жақсарту, сондай-ақ, институттық өзгерістер, қауіпсіздік және сыбайлас жемқор­лықпен күрес. Нұрсұлтан Назарбаев білім беру саласына ин­вес­тиция салуға үнемі басымдық бе­ріп келеді. Бұған қоса, Мемлекет бас­шысы Қазақстан Тәуелсіздігі­нің 25 жылында жетекші рөлге ие бол­ған адами капиталдың маңыз­ды еке­ні­не әрдайым баса назар аударады. Жолдауда көзге бірден түсетіні – үш тілде білім беруге біртіндеп өту мәселесі. 2019 жылдан бас­тап 10-11-сыныптарда сабақтар ағылшын тілінде жүргізілмек. Бұл – негізінде дұрыс шешім. Өйт­кені, біз қаласақ та, қаламасақ та ағылшын тілінің қолданыс аясы күн санап өсіп келеді. Ағылшын тілін­дегі ақпараттар көлемі арта түсу­де. Әлемдік коммуникацияда ағыл­шын тілі аса жоғары маңызға ие. Оңтүстік Кореяда да ағылшын тілін қоса пайдалану жөнінде көп­теген пікірталастар болды. Бірақ біз әлі бір бәтуаға тоқтаған жоқпыз. Сондай-ақ, Төртінші өнеркә­сіптік революцияға дайындық ая­сында оқыту жоспарларын қай­та қарау Қазақстанның Үшінші жаң­ғыруының табысты жүргізілуіне мүмкіндік береді. Қысқасы, ең басты құндылық – адам. Ал адам игілігі үшін ат­қарылған әрбір іс жемісті болуы тиіс. Ом Гу ХО, Ханьян университеті Азия-Тынық мұхиты зерттеу орталығының директоры, профессор (Оңтүстік Корея)