Астанада бір тәулік ішінде 53 мың текше метр қар шығарылды

Астанада қар көп жауып, қаланың коммуналдық қызметтері күшейтілген режімде жүмыс істеуге көшті. Бір тәулік ішінде қала аумағынан 53 мың текше метрден аса қар шығарылды. Бұл туралы қалалық әкімдіктің баспасөз қызметі хабарлады. Жолдарды қардан тазалау барысында 2024 арнайы техника тартылды. Көше жинау жұмыстарына 2176 қызметкер жұмылдырылды. Қар шығару жұмыстары тәулік бойы жұмыс, демалыс және мереке күндері жүргізіледі. Бүгін елордада бұрқасын және жел. «Қазгидромет» орталығының мәліметтеріне сәйкес, қазір Астанада оңтүстік-батыстан жел тұрады, оның екпіні кейде 15-20 м/с жетеді. Ауа температурасы күндіз 0...-2°С, түнде -5...-7°С. Мамандардың айтуынша, мұндай ауа райы түнде де сақталады. Ауа райын болжаушылардың айтуынша, Мәскеу циклонының ықпалымен бұрқасын елдің орталық және солтүстік өңірлеріне ауысады. Республикалық маңыздағы автожолдарда шектеулер енгізілді: Астана-Атбасар, Астана-Қарағанды, Астана-Щучье, Астана-Павлодар, бұл аймақта бұрқасын және 20 м/с жылдамдықпен жел соғуда. Қаланың жедел қызметтері автокөлік жүргізушілеріне алыс сапарға шықпауға кеңес береді.