«Мұндай сайлауды бұрын көрген жоқ едік»

Челябі облысынан келген байқаушылар осылай мәлімдеді Облыста сырттан келген байқаушылар журналистер үшін баспасөз мәслихатын өткізді. Бұрын жаз­­ғанымыздай, Қостанай об­лы­сы­на көрші Челябі об­лысынан 21 бай­қау­шы келген бола­тын. Олардың бар­лы­ғы да облыс ор­талығы мен аудан­дардағы сайлау учаскелерін­де болды. – Сайлау күні байқаушылар 200-ден аса сай­лау учаскелерін аралап көрдік. Солардың бар­лығында да түске дейін сайлаушылар дауыс беру бюллетенін алып, кабинаға кіру үшін кезекке тұр­ғаны, дауыс беруге адамдардың жауапкершілікпен, шынайылықпен қарағаны бізді таңғалдырды. Біз Қазақстандағы сайлауларға бұрын да бай­қаушы ретінде қатысқанбыз, Ресейде де сайлау өткізіп жүр­міз, бірақ мұндай сайлау көрмеген едік,–деп мә­лімдеді байқаушыларды бастап келген Челябі облысы әкімшілігінің аймақтармен қарым-қатынас жөніндегі басқармасының бас­тығы Виталий Шиков. Байқаушылар кабинаға екі адамнан кір­ген­дердің болғанын айтты. Бірақ оны да өздері «ереже бұзуға жатқызуға болмас» деп түзеді. Өйткені, сайлауға келген қарияларға көмек керек бол­ғандықтан, олардың өтініші бойынша баласы немесе немересі кабинаға бірге кірген жағдайлар кездескен. Сонымен қатар, ресейлік байқаушылар сайлауға дайындықты да жоғары бағалады. Нәзира ЖӘРІМБЕТОВА. Қостанай.