Мемлекеттік саясат мектебіндегі талқылау

Сингапурда Ли Куан Ю атындағы Мемлекеттік саясат мектебінде Қазақ­стан­ның Сингапурдағы ел­ші­сі Үсен Сүлейменнің атал­ған мекеменің оқыту­шыларына, докторанттары мен магистрлеріне және академиялық топтары өкіл­деріне Президент Назарбаев ұсынған конституция­лық реформалар мен Мемлекет басшысының «Қазақстанның Үшінші жаңғыруы: жаһан­дық бәсекеге қабілетті­лік» атты Жолдауының негізгі қағидалары туралы, сондай-ақ Қазақстандағы ұлтаралық және дінаралық төзімділік­тің қалыптасуының тәжіри­бесі туралы арнайы дәрісі ұйымдастырылды. Дәріс барысында Ү.Сүлей­мен Елбасы Н.Назарбаев­тың жүйелі саясатының арқа­сында Қазақстан тәуел­сіз­дігінің 25 жылдық кезеңі ішін­де экономикасы мен сая­си жүйесі мықты және берекелі әрі көп ұлтты қоғам ретінде қалыптасқанын және әлемнің 50 үздік елдері қата­рына кіруге мүмкіндік бергенін жеткізді. Қазақстандық дипломат Елбасы ұсынған конс­титу­циялық реформалар мемлекеттің алдағы демо­кра­тиялық қағидаларын ны­ғайту жолында және елдің экономикалық дамуының болашағына айтарлықтай серпін бере алатынын баса айтты. Сондай-ақ, іс-шара бары­сында Мемлекет басшы­­сы­ның «Қазақстанның Үшін­ші жаң­ғыруы: жаһан­дық бәсе­кеге қабілеттілік» ат­ты Жолдауына айрық­ша көңіл бөлінді. Ү.Сүлей­мен­­нің айтуынша, жаһан­дық экономикалық бәсеке­лес­­тік­тің өсуі жағдайында, Елбасы Н.Назарбаев ұсынған үшінші жаңғыру санала­тын экономикалық өсу моделі уақтылы жасалған қадам ретін­де экономиканың әлем­дік өсімінің орта дең­гейд­ен жоғары қарқынын қам­та­ма­сыз етуге, 30 озық елдің қатарына қарай тұрақты түрде ілгерілеуге лайықталғанын және елдің экономикалық дамуы­ның болашағына ай­тар­лықтай серпін бере алатынын ерекше атап өтті. Оған қоса, елші Ү.Сүлей­мен аудитория­ны Қа­зақ­стандағы ұлтара­лық және дінаралық қоғамдастықты нығайту бойынша тәжіри­бе­сімен, Қазақстан хал­қы Ас­самблеясының жұмы­сы­мен және Әлемдік және дәстүрлі діндер көшбас­шылары съезінің негізгі мақ­саттарымен таныстырды, деп хабарлады Қазақстанның Сингапурдағы елшілігі.