Еліміздің ұстанымдары халықаралық қолдауға ие

21 ақпанда Қазақстан Сыртқы істер министрінің орынбасары Роман Василенко БҰҰ Қауіпсіздік Кеңесінде министрлік деңгейінде «Халықаралық бейбітшілік пен қауіпсіздікті сақтау: Еуропадағы қақтығыстар» тақырыбында өткен ашық пікірсайысқа қатысты, деп хабарлады Сыртқы істер министрлігінің баспасөз қызметі. Қазақстанда Сирия бойынша келіссөздер барысында өзінің тиімділігін көрсеткен Астана платформасы басқа да дау-жанжалдарды шешу мақсатында кеңінен қолданылуы мүмкін деп есептейді, деп атап өтті қа­зақ­с­тандық дипломат өз сөзінде. Оның айтуынша, мұндай алаң халықаралық құқықтың не­гізгі қағидаттарына сенімді қал­пына келтіру және оған деген адалдықты қайтадан растау үшін, сондай-ақ, барлық тарап­тар­дың ұлттық мүдделерін құр­меттеу үшін бүгінде өте ма­ңызды. Р.Василенко Еуропа бетпе-бет келіп отырған заңсыз көші-қон, ұйымдасқан қылмыс, адам саудасы сияқты өсе түсіп отыр­ған үрей мен сенімсіздік ахуалы ар­қылы одан бетер тереңдей түс­кен сын-қатерлерді атап көр­сетті. Қазақстан Президенті Нұрсұлтан Назарбаевтың БҰҰ Бас Ассамблеясының 70-ші сессиясында айтқан халықаралық қауымдастықтың назарын дау-жан­жал­дардың алдын алу жө­нін­дегі жаңа стратегияны да­­мы­ту­ға бағыттау қажеттігі тура­лы идеясының осы орай­да мейлінше көкейкесті екені атап өтілді. Қазақстандық делегация басшысы пікірсайысқа қа­­ты­сушыларға Қазақстанның өзі­нің 2017-2018 жыл­дардағы БҰҰ ҚК жұмысында Мемлекет бас­шысы жа­риялаған «Әлем. ХХІ ғасыр» манифесі мен 2017 жыл­дың қаңтарындағы Кеңес мүшелеріне Саяси үндеуі сияқ­ты шешуші құжаттардың ере­желерін басшылыққа алатынын жеткізді. Астана еуропалық құ­р­лық­тағы дау-жанжалдар ай­ма­ғындағы ахуалдарды халықаралық құқық нормаларына жә­не оларды реттеудің жұмыс істеп тұрған халықаралық ме­­ха­низмдеріне сәйкес бейбіт рет­теуді қолдайды, деп атап өтті спикер. Қазақстан ел астана­сында саммит өткізумен және дек­ларация қабылдаумен табыс­ты қо­рытындыланған 2010 жыл­ғы ЕҚЫҰ-ға төрағалығы ба­­рысында өзінің осындай көзқарасын айрықша айқын көр­­сете білді. Негізінен алғанда біз­дің еліміздің және Пре­зидент Нұрсұлтан Назарбаевтың жеке үлесінің ар­қасында 2015 жылы Минск келісімін бекітуге әкелген Украина дағдарысын шешу жөніндегі бейбіт ке­ліс­сөздер те­тігі іске қосылды, ал 2010 жылы Қырғызстандағы жағ­­дай­ды тұрақтандырудың сә­ті түсті. Қазақстан тарапынан ұсы­ныл­ған позициялар БҰҰ Бас хат­шысы Антонио Гутеррештің, ЕҚЫҰ Бас хатшы­сы Ламберто Заньердің және басқа да пікір­сайыс­қа қа­ты­сушылардың сөй­леген сөздерімен үндес шықты. Сөйлеушілер Еуропада тұ­рақ­тылық пен қауіпсіздікті сақ­тауда, сондай-ақ, дау-жан­жалдарды саяси және дип­ло­ма­тиялық құралдармен бейбіт ке­ліс­сөздер жолымен шешуде мүдделі тараптардың бірлескен күш-жігерінің маңызды екенін атап көрсетті. Отырысқа Австрияның, Әзер­­байжанның, Грузия­ның, Гер­­манияның, Вен­грия­­­ның, Мол­­дованың, Лат­вия­ның, Лит­­ваның, Ру­мынияның, Си­не­галдың, Фин­л­ян­дияның, Хор­ва­тияның, Шве­цияның сырт­қы саясат ве­­­дом­ство­ларының бас­шылары мен сыртқы саясат ве­дом­­стволары басшыларының орынбасарлары, сон­дай-ақ, БҰҰ-ға мүше мемлекеттердің 80-нен астам делегация­лары қа­тысты. БҰҰ ҚК пікірсайысы алаңы­нда Р.Василенко Еуро­па­лық сыртқы іс-қимылдар қызметінің бас хатшы­сы Хель­га Шмидпен, Венгрияның сыртқы істер министрі Петер Сийяртомен қысқа кездесулер өткізді. Сондай-ақ, БҰҰ Бас хат­шы­сының саяси мәселелер бойын­ша орынбасары Джеффри Фельтманмен кездесу бол­ды. Кездесу барысында тараптар жа­һандық күн тәр­ті­бін­дегі кө­кейкесті мәселелер жөнінде пікір алмасып, елі­міздің бас­ты халықаралық ұйымға мү­ше­­л­ігінің 25 жыл­дығы қар­са­ңындағы Қазақстанның БҰҰ-мен өзара бай­ланысы әңгіме арқауына айналды. Р.Василенко қатысушыларға Қазақстандағы ма­ңыз­ды ішкі саяси өзгерістер туралы баяндады, атап айт­қанда, Президенттің конституциялық реформа ар­қы­лы билік өкілеттіктерін Пар­ламентке беруге негіз қа­лай­тын және елдегі одан арғы де­мок­ра­тиялық қайта құ­руларға жа­ңа серпін беретін Қазақстан хал­қына арнайы Үндеуінің маз­мұнымен таныстырды. Қазақстан Президентінің «Қазақстанның Үшінші жаң­ғы­­руы: жаһандық бәсекеге қа­бі­леттілік» атты Жолдауы туралы ақпарат та жиналғандардың үлкен қызығушылығын тудырды.