Чемпиондар лигасы. «Ювентус» алғашқы ойынында жеңіске жетті (видео)

Чемпиондар лигасының 1/8 финалында Италияның «Ювентусы» сырт алаңда Португалияның «Порту» командасымен кездесіп, 2:0 есебімен жеңді. Жанкүйерлер тартысты ойынынға куә болды. Алғашқы таймның өзінде италиялықтар бірнеше гол соғатын мүмкіндіктері болып еді. Бірақ сәттілік жетіспеді. Ал «Порту» бір ойыншысынан айырылса да, оңай берлімеді. Алғашқы гол тек 72-минутта соғылды. Қорғаушылардың қателігін тиімді пайдаланған Марко Пьяца испаниялық Икер Касильястың қақпасына алғашқы допты салды. Араға екі минут салып Даниэль Алвес екінші голды соқты. Кездесудің соңына дейін «Ювентус» есепті ұлғайтатын мүмкіндіктері болып еді. Алайда, таблодағы есеп өзгеріссіз қалды.