Органикалық өнім өндіру – өзекті мәселе

Мәжіліс Төрағасының орынбасары Владимир Божконың қатысуымен, Аграрлық мәселелер комитетінің төрағасы Сапархан Омаровтың жетекшілігінде «Органикалық өнім өндіру туралы» («100 нақты қадам» Ұлт жоспарының 60 және 61-қадамдары шеңберінде) деген тақырыпта дөңгелек үстел өтті. Дөңгелек үстел жұмысына депутаттық кор­пустың, уәкілетті мемлекеттік орган­дар­дың жауапты қызметкерлері, «Атамекен» Ұлт­тық кәсіпкерлер палатасы, «KAZFOAM» Орга­ни­калық ауыл шаруашылығы үшін қозғалысы Қазақстан федерациясы, «Органикалық егін­шілік қуымдастығы» республикалық қо­ғамдық бірлестігі, Қазақстан Республикасы аг­рар­лық-өнеркәсіптік кешенінің экономикасы жә­не ауылдық аумақтарды дамыту ғылыми-зерт­теу институты сияқты үкіметтік емес сек­тордың өкілдері, сондай-ақ органикалық өнім өндірушілері қатысты. «Органикалық өнім өндіру туралы» 2015 жыл­ғы 27 қарашада қабылданған Заңды іске асыруға бағытталған министрлік қабылдап жат­қан шаралар туралы негізгі баяндаманы Ауыл шаруашылығы вице-министрі Қайрат Айтуғанов жасады. Өкінішке қарай, бүгінгі таңда сертификаттау өткізу үшін мүмкіндік жоқ. Стандарттарды әзірлеуден бастап мамандарды оқытуға дейін – оның барлық жүйесін жасау қажет. АӨК-ті дамытудың 2017-2021 жылдарға арналған мем­лекеттік бағдарламасы шеңберінде бір­қа­тар іс-шара атқару көзделген», деді вице-министр. Аграрлық мәселелер комитетінің мүшесі Айқын Қоңыров – өзінің қосымша баянда­масында осы кезеңде саланы дамытуға ке­дер­­гі келтіретін негізгі проблемалық мә­се­ле­лерді атап өтті. Одан басқа, отандық са­ла ма­мандарының пікірлері тыңдалды, олар да про­блемалық сәттерді белгілеп, орга­ни­ка­лық өнім өндіру және олардың айналымы са­ласындағы міндеттерді шешудегі өз көз­қа­рас­тарын ұсынды. Дөңгелек үстел отырысы барысында мүд­де­лі министрліктер мен ведомстволардың өкіл­­дері сөз сөйлеп, Қазақстандағы орга­ни­ка­­лық өнім өндіру және олардың айна­лы­мы саласындағы өзекті мәселелер мұ­қият тал­қыланды. Нәтижесінде отырыс қо­ры­тын­­дысы бойынша уәкілетті органдарға тиіс­­ті ұсыныстар жіберілді, деп хабарлады Мәжілістің баспасөз қызметі.